Innlent

Una dóttir Svandísar heilbrigðisráðherra alvarlega veik

Jakob Bjarnar skrifar
Svandís Svavarsdóttir heilbrigðisráðherra greindi nú rétt í þessu frá veikindum dóttur sinnar. 
Svandís Svavarsdóttir heilbrigðisráðherra greindi nú rétt í þessu frá veikindum dóttur sinnar.  visir/vilhelm

Svandís Svavarsdóttir heilbrigðisráðherra greinir nú rétt í þessu frá alvarlegum veikindum dóttur sinnar.

„Kæru vinir, nýlega greindist Una dóttir mín með heilaæxli sem reyndist vera krabbamein. Nú tekur við löng og ströng krabbameinsmeðferð. Mitt verkefni verður að styðja hana í því ferli ásamt fjölskyldu og vinum. Þetta er stærsta verkefni lífs míns,“ segir Svandís.

Heilbrigðisráðherra ætlar ekki að stíga til hliðar þrátt fyrir þetta heldur takast á við vandann með hjálp góðra manna.

„Ég ætla, með hjálp samstarfsfólks og fjarfunda, að sinna áfram störfum heilbrigðisráðherra og mun skipuleggja mína vinnu á næstunni í samræmi við breyttar aðstæður.“

Þá tekur Svandís það sérstaklega fram að vísa megi í þessa færslu hennar en hún ætli sér ekki að fjalla meira um þetta mál opinberlega að svo stöddu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.