Innlent

Veittist að konu og barni og beit tvo lögreglumenn

Vésteinn Örn Pétursson skrifar
Alls komu 55 mál inn á borð lögreglunnar á höfuðborgarsvæðinu frá 17 til 5.
Alls komu 55 mál inn á borð lögreglunnar á höfuðborgarsvæðinu frá 17 til 5. Vilhelm/Vísir

Óskað var eftir skjótri aðstoð lögreglunnar á höfuðborgarsvæðinu klukkan 18:25 í gærkvöldi vegna karlmanns Breiðholti. Sá var í mjög annarlegu ástandi og hafði veist að barni og konu. Í átökum við lögregluna beit maðurinn tvo lögreglumenn og hrækti á þann þriðja. Maðurinn var vistaður í fangageymslu lögreglu.

Þetta kemur fram í dagbók lögreglunnar.

Þá hafði lögregla afskipti af tveimur mönnum á áttunda tímanum. Þeir voru að slást. Annar var búinn staf, en hinn flösku. Annar þeirra hlaut minniháttar áverka.

Þá segir í dagbók lögreglu að mikið hafi verið um tilkynningar eða kvartanir vegna fólks í annarlegu ástandi „sem var samborgurum sínum til ama og leiðinda.“ Flestum var vísað í burtu eða ekið á viðeigandi stað. Þó þurfti að flytja tvo á sjúkrahús vegna ástands síns.

Alls voru 55 mál bókuð hjá lögreglunni á höfuðborgarsvæðinu frá því klukkan 17 í gærkvöldi og til 5 í morgun. Fjórir voru vistaðir í fangageymslu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.