Erlent

44 látnir eftir óveður í Japan

Atli Ísleifsson skrifar
Hitoyoshi á eyjunni Kyushu.
Hitoyoshi á eyjunni Kyushu. getty

Að minnsta kosti 44 eru látnir eftir að mikið óveður skall á suðurhluta Japan. Yfirvöld í landinu hafa fyrirskipað rúmlega milljón manns að yfirgefa heimili sín vegna flóða og tíðra aurskriða.

Björgunarlið hefur átt í vandræðum með að ná til æákveðinna svæði, sér í lagi í Kumamoto, Kagoshima og Miyazaki á eyjunni Kyushu. Tíu er enn saknað á hamfarasvæðunum.

Staðfest er að fjórtán manns hafi látist á hjúkrunarheimili í Kumamoto.

Úrkoma í bænum Omura í Nagasaki hefur mælst 94,5 millimetrar á klukkustund og hefur flætt yfir stór svæði í kringum Kuma-fljót. Hafa borist fréttir af því að fjórtán brúm hið minnsta hafi skolað burt.

Búist er við að úrhellið haldi áfram á svæðinu og haldi yfir eyjuna Shikoku á morgun.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.