Íslenski boltinn

Topp 5 í kvöld: Garðar Gunnlaugs, Albert Brynjar og Lennon segja frá uppáhalds mörkunum sínum

Ingvi Þór Sæmundsson skrifar
Steven Lennon er markahæsti erlendi leikmaðurinn í sögu efstu deildar á Íslandi.
Steven Lennon er markahæsti erlendi leikmaðurinn í sögu efstu deildar á Íslandi. vísir/vilhelm

Fimmti þáttur Topp 5 er á dagskrá Stöðvar 2 Sports í kvöld. Þátturinn, sem er í umsjá Guðmundar Benediktssonar, hefst klukkan 20:00.

Í þáttunum velja þrír leikmenn fimm uppáhalds mörkin sín á ferlinum og ræða um þau.

Í þættinum í kvöld ræða þeir Garðar Gunnlaugsson, Albert Brynjar Ingason og Steven Lennon um sín uppáhalds mörk.

Hér fyrir neðan má sjá Lennon tala um mark sem hann skoraði fyrir FH gegn Stjörnunni í frægum leik í Kaplakrika í lokaumferðinni 2014.

Klippa: Topp 5 - Steven Lennon

Garðar Gunnlaugsson (fæddur 1983) er uppalinn Skagamaður og lék með ÍA fram á mitt sumar 2005 þegar hann fór til Vals. Hann skoraði sigurmark ÍA í bikarúrslitaleiknum 2003 gegn FH. Hann varð aftur bikarmeistari með Val 2005. Hann lék í atvinnumennsku á árunum 2006-12, í Svíþjóð, Búlgaríu, Austurríki og Þýskalandi. Garðar sneri aftur til ÍA 2012 og lék með liðinu til 2018. Hann varð markakóngur Pepsi-deildarinnar 2016 með fjórtán mörk. Garðar lék nokkra leiki með Val síðasta sumar og gekk nýverið í raðir Kára á Akranesi.

Garðar hefur skorað 58 mörk í 162 leikjum í efstu deild á Íslandi. Hann fékk gullskóinn 2016, bronsskóinn 2015, Garðar hefur tvisvar sinnum orðið bikarmeistari. Hann lék einn A-landsleik.

Albert Brynjar Ingason (fæddur 1986) hóf ferilinn með Fylki og lék liðinu til 2008 ef frá eru taldir nokkrir mánuði 2005 þar sem hann var í láni hjá Þór Ak. Albert lék með Val 2008 en fór svo aftur til Fylkis 2009. Albert lék með FH 2012-14 og varð Íslandsmeistari með liðinu 2012. Hann fór aftur til Fylkis um mitt sumar 2014. Albert gekk í raðir Fjölnis fyrir síðasta tímabil og hjálpaði Grafarvogsliðinu að komast upp í Pepsi Max-deildina. Hann leikur nú með C-deildarliði Kórdrengja.

Albert hefur skorað 70 mörk í 219 leikjum í efstu deild. Hann varð Íslandsmeistari með FH 2012.

Steven Lennon (fæddur 1988) er Skoti sem er uppalinn hjá stórliði Rangers. Hann kom til Fram um mitt tímabil 2011 og hjálpaði liðinu að halda sér í Pepsi-deildinni. Lennon fór til Sandnes Ulf í Noregi um mitt tímabil 2013. Hann gekk í raðir FH í júlí 2014 og hefur leikið með liðinu síðan þá. Lennon varð Íslandsmeistari með FH 2015 og 2016.

Lennon hefur skorað 71 mark í 147 leikjum í efstu deild á Íslandi. Hann er markahæsti erlendi leikmaðurinn í efstu deild hér á landi. Lennon fékk silfurskóinn 2017 og 2019.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.