Innlent

Hvorki grunnskóli né leikskóli á höfuðborgarsvæðinu á mánudaginn

Sunna Kristín Hilmarsdóttir skrifar
Frá sýnatöku á höfuðborgarsvæðinu í dag. Útbreiðsla kórónuveirunnar hér á landi er nú farin að hafa töluverð áhrif á daglegt líf almennings og áhrifin verða án efa meiri í næstu viku þegar samkomubann og takmörkun á skólastarfi taka gildi.
Frá sýnatöku á höfuðborgarsvæðinu í dag. Útbreiðsla kórónuveirunnar hér á landi er nú farin að hafa töluverð áhrif á daglegt líf almennings og áhrifin verða án efa meiri í næstu viku þegar samkomubann og takmörkun á skólastarfi taka gildi. Vísir/Vilhelm

Starfsdagur verður í öllum leik- og grunnskólum sveitarfélaganna á höfuðborgarsvæðinu næstkomandi mánudag, 16. mars, til þess að stjórnendur og starfsmenn geti skipulagt skólastarf með tilliti til þeirrar takmörkunar á skólahaldi sem yfirvöld kynntu í dag til að hefta útbreiðslu kórónuveirunnar hér á landi.

Þetta kemur fram í tilkynningu frá stjórn Samtaka sveitarfélaga á höfuðborgarsvæðinu en þar segir að sveitarfélögin vinni nú að skipulagningu skólastarfs miðað við takmörkun skólahalds næstu fjórar vikurnar en það er sá tími sem samkomubann verður í gildi.

„Foreldrar leik- og grunnskólabarna eru beðnir um fylgjast vel með upplýsingum sem birtast munu um helgina og á mánudaginn m.a. á heimasíðum sveitarfélaganna og heimasíðum grunn- og leikskóla. Þá eru í undirbúningi sameiginlegar leiðbeiningar sveitarfélaga á höfuðborgarsvæðinu um frístundaheimili, íþróttastarf, íþróttamannvirki, skólahljómsveitir, og aðrar tómstundir barna,“ segir í tilkynningu frá sveitarfélögunum á höfuðborgarsvæðinu.

Faraldur kórónuveiru (COVID-19) Skóla - og menntamál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið