Erlent

Jarðskjálfti af stærð 5,8 á Nýja Sjálandi

Hallgerður Kolbrún E. Jónsdóttir skrifar
Wellington, höfuðborg Nýja Sjálands.
Wellington, höfuðborg Nýja Sjálands. Getty/Matthew Lovette

Jarðskjálfti af stærðinni 5,8 reið yfir nærri Wellington, höfuðborg Nýja Sjálands, nú í kvöld. Engar fregnir um skemmdir hafa borist en jarðskjálftinn varð á 37 km dýpi og upptök hans voru um 30 km norðvestur af borginni Levin sem er staðsett á Norðureyju Nýja Sjálands nærri höfuðborginni.

Skjálftanum fylgdu þrír minni skjálftar, fyrsti var 3,5 af stærð, næsti 3,6 og sá síðasti 3,7. GeoNet, jarðfræðimiðstöð Nýja Sjálands sagði fyrst að skjálftinn hafi verið 5,9 af stærð en breytti því svo síðar.

Almannavarnir í Wellington segja að engar tilkynningar um skemmdir sökum skjálftans hafi borist. Allar lestir í Wellington voru kyrrsettar á meðan verkfræðingar meta áhrif skjálftans. Vitni sagði í samtali við fréttastofu Reuters að skjálftinn hafi fundist vel í Wellington.

Nýja-Sjáland Eldgos og jarðhræringar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið