Reyndi að ná peningum upp úr Peningagjá

Samúel Karl Ólason skrifar 17. apríl 2020 07:22

Ekki fylgir sögunni hvernig viðkomandi reyndi að ná peningum upp úr gjánni. Vísir/Vilhelm

Mjög fáir gestir hafa lagt leið sína í þjóðgarðinn á Þingvöllum að undanförnu vegna heimsfaraldurs nýju kórónuveirunnar. Íslendingur var þó gómaður við það í síðustu viku að reyna að ná peningum upp úr Peningagjá. Heilt yfir er talið að tekjutap þjóðgarðsins vegna faraldursins verði um 300 milljónir króna.

Í samtali við Fréttablaðið segir Einar Á.E Sæmundsen, þjóðgarðsvörður, að búið sé að leita eftir fjárframlagi frá ríkinu vegna reksturs þjóðgarðsins í sumar. Það sé þó enn óljóst hvað úr verður og hvernig rekstur og þjónusta þjóðgarðsins verður.

Varðandi peningagjárþjófinn áðurnefnda var hann gómaður af landverði sem var á vakt. Einar segir að þjófurinn hafi látið sé segjast eftir stutt tiltal og hætt að reyna að ná peningum upp úr gjánni.

Faraldur kórónuveiru (COVID-19) Þingvellir Bláskógabyggð

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.