Erlent

Sjó­ræningjar skutu á norskt olíu­flutninga­skip

Atli Ísleifsson skrifar
Árásin átti sér stað um 75 sjómílum suður af Jemen.
Árásin átti sér stað um 75 sjómílum suður af Jemen. Getty

Sjóræningjar skutu á norska olíuflutningaskipið Stolt Apal í Adenflóa, suður af Jemen, fyrr í dag.

Þetta staðfestir talsmaður skipaflutningafélagsins Stolt-Nielsen í samtali við Verdens gang.

„Tveir smærri bátar sigldu á miklum hraða í átt að skipinu með sex vopnaða sjóræningja um borð. Eftir að verðirnir um borð í flutningaskipinu höfðu skotið nokkrum viðvörunarskotum hófu sjóræningjarnir að skjóta á skipið,“ segir upplýsingafulltrúinn Ellie Davison.

Árásin átti sér stað um 75 sjómílum undan ströndum Jemen síðdegis í dag. Sjóræningjarnir hörfuðu þegar verðirnir héldu áfram að svara skotum sjóræningjanna.

Enginn særðist um borð í Stolt Apal, en smávægilegar skemmdir urðu á olíuflutningaskipinu vegna skota sjóræningjanna.

Stolt Apal siglir undir enskum fána.

Noregur Jemen
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið