Stjórn RÚV hefur enga trú haft á fjölmiðlafrumvarpi Lilju Jakob Bjarnar skrifar 14. maí 2020 15:43 Samkvæmt fundargerðum komu yfirlýsingar Lilju D. Alfreðsdóttur í kjölfar úrskurðar ríkisendurskoðanda um að stofnuninn bæri að stofna dótturfélög lögum samkvæmt, stjórnarmönnum algerlega í opna skjöldu. visir/vilhelm Samkvæmt fundagerðum stjórnar Ríkisútvarpsins ohf þá hefur stjórnin haft sáralitla trú á því að fjölmiðlafrumvarp Lilju Daggar Alfreðsdóttur mennta- og menningarmálaráðherra, sem gengur út á stuðning við einkarekna fjölmiðla, verði að veruleika. Í fundargerð frá í maí 2019 segir Ragnheiður Ríkharðsdóttir, fulltrúi Sjálfstæðismanna og varaformaður stjórnar, hennar mat að frumvarpið muni ekki ná fram að ganga á þessu löggjafarþingi og mögulega ekki því næsta heldur. Guðlaugur G. Sverrisson Miðflokksmaður telur þetta alltof þungt mál fyrir Lilju til að það verði klárað. Vandlega yfirstrikaðar fundargerðir Þá telja stjórnarmenn óhjákvæmilegan fylgifisk fjölmiðlafrumvarps ráðherra þann að RÚV og staða þess á auglýsingamarkaði dragist inn í umræðuna. Fjölmiðlafrumvarpið hefur borið reglulega á góma á fundum stjórnar Ríkisútvarpsins ohf. samkvæmt fundargerðum sem Viðskiptablaðið þurfti að toga með töngum út úr stofnuninni. Umfjöllun er þetta má finna í nýjasta tölublaði Viðskiptablaðsins og er þar meðal annars greint frá þeirri baráttu allri. Ein blaðsíða úr fundargerðum stjórnar Ríkisútvarpsins ehf. eftir að lögmaður hafði farið yfir það hvað mætti strika vandlega yfir.Skjáskot úr Viðskiptablaðinu. Úrskurðarnefnd um upplýsingamál, sem hafði úrskurðað í kæru Vb á hendur RÚV svo að ríkisfjölmiðlinum bæri að afhenda fundargerðirnar þurfti svo að ganga í málið á ný eftir að Ríkisútvarpið trassaði í hálft ár að bregðast við. Þegar gögnin loks bárust hafði stofnunin nýtt sér það til hins ítrasta að úrskurðarnefnd hafði fallist á að afmá mætti tilteknar upplýsingar úr fundargerðunum því þar gæti verið um einkamálefni starfsmanna að ræða og/eða vinnugögn. Lögmannsstofa var fengin til að fara yfir fundargerðirnar og bárust þær svo Viðskiptablaðinu meira og minna útkrotaðar. Reyndar er það ekki nýtt að ríkisfjölmiðillinn sé tregur að veita upplýsingar en Vísir komst að því fullkeyptu þegar þess var freistað að fá uppgefin nöfn umsækjenda um stöðu útvarpsstjóra. Það mál rataði alla leið til Umboðsmanns Alþingis sem komst að þeirri niðurstöðu að klúður við lagasetningu hafi reynst stofnuninni skálkasjól og ríkisfjölmiðillinn gat þannig pukrast með nöfnin. Stjórnin telur Lilju ekki heila í „dótturfyrirtækjamálinu“ Jóhann Óli Eiðsson, blaðamaður Viðskiptablaðsins, reyndi í umfjöllun sinni að ráða í það sem þó mátti sjá og komst til dæmis að því að stjórnarmennirnir Magnús Geir Þórðarson fyrrverandi útvarpsstjóri og Ragnheiður töldu opinberar yfirlýsingar Lilju varðandi aðgerðarleysi Ríkisútvarpsins við að stofna dótturfélög, að það væri stjórnar að fylgja því eftir, stangast á við orð hennar inn í hópinn. En áður hafði Ríkisendurskoðandi veitt RÚV ákúrur fyrir að hafa látið undir höfuð leggjast að sinna þessari lögbundnu skyldu sinni. Ummæli Lilju virðast hafa komið flatt upp á stjórnarmenn; „alger kúvending frá fyrri samskiptum“. En helst er á umfjölluninni að skilja að stjórnin hafi í samráði við ráðherra dregið lappirnar við að stofna dótturfélög vegna kostnaðar og að það þýddi minna fé til dagskrárgerðar. Áðurnefnd Ragnheiður segir að „mun fagmannlegra hefði verið ef stjórn hefði fengið eitthvað formlegt frá ráðherra um að stjórn skuli stofna dótturfélag, frekar en yfirlýsingu í blöðum. Það sé mjög hart að þurfa að sitja undir því að vera vændur um að vera ekki að vinna vinnuna sína,“ segir fundargerð stjórnar frá september 2018. Og Magnús Geir segir þetta þvert á það sem ráðherra hefði sagt í samtölum við þá. Þetta brýtur í bága við það sem Lilja hefur haft um málið að segja eins og sést í tengdri frétt hér ofar: „Ég hef alltaf verið á þeirri skoðun að það eigi að setja dótturfélagið á laggirnar og hér kemur staðfesting á því. Ég fagna þessari niðurstöðu og ég hef þegar verið í sambandi við stjórn RÚV sem mun núna hrinda þessu í framkvæmd fyrir áramót.“ Vilja vera samkeppnishæf um starfsfólk Ýmissa grasa kennir í spjalli stjórnarmanna og því sem skráð var í fundargerðir ef marka má það sem þó má sjá. Þannig voru samningar við Ástrali komnir vel á veg með að halda Eurovision á Ísland ef Ástralía hefði sigur í keppninni. Einhverjum stjórnarmönnum þykir landbyggðaþátturinn Landinn pínlega viðskipamiðaður - „fyrirtækjanálgun væri of augljós og RÚV ekki til sóma“ – og stjórnarmenn hafa áhyggjur af kjörum fréttamanna á fréttastofunni sem þeir halda að séu almennt verri en gengur og gerist og rýri möguleika RÚV til mannaráðninga. Fjölmiðlar Umboðsmaður Alþingis Ríkisstjórn Katrínar Jakobsdóttur Ríkisútvarpið Tengdar fréttir RÚV brýtur lög að mati ríkisendurskoðanda Dökkgrá skýrsla um Ríkisútvarpið ohf. er komin út. 20. nóvember 2019 11:51 400 milljónir fara í stuðning við einkarekna fjölmiðla Meirihluti fjárlaganefndar Alþingis leggur til að fjárstuðningur við einkarekna miðla í kórónuveirufaraldrinum verði aukinn um 50 milljónir, frá því sem boðað var í öðrum aðgerðapakka ríkisstjórnarinnar. 9. maí 2020 16:44 Styrkurinn kemur ekki í stað fjölmiðlafrumvarpsins 350 milljóna króna stuðningur við einkarekna fjölmiðla sem tilkynntur var í öðrum aðgerðapakka ríkisstjórnarinnar kemur ekki í stað þeirrar upphæðar sem kveðið er á um í fjölmiðlafrumvarpinu. 24. apríl 2020 23:24 Mest lesið Strandveiðisjómaður lést Innlent Allkröpp lægð á leiðinni til landsins Veður Biður Höllu afsökunar á fréttum af meintum lífvörðum Innlent Ældi í rútunni og réðst svo á bílstjórann Innlent Samstöðinni verði mögulega lokað í kvöld: Vilja fá lögbann á boðaðan aðalfund Innlent Unglingsstúlka lést þegar hestur dró hana eftir jörðinni Erlent Tugir missa vinnuna í sumar Innlent Snurða hljóp á þráðinn í nótt Innlent Fötlun þýði ekki að börn njóti þess minna að róla og leika sér Innlent Hefur í hótunum við New York vegna „kommúnistans“ Mamdani Erlent Fleiri fréttir „Þetta er ekkert líf“ Umræða um veiðigjöldin orðin sú þriðja lengsta Óprúttinn aðili rispaði tíu bíla á Seltjarnarnesi Fylkingarnar safna liði og ásakanir ganga á víxl: Stefnir í átök í Bolholti Líf í biðstöðu og hitafundur sósíalista Strandveiðisjómaður lést Deila um Suðurnesjalínu 2 fer beint í Hæstarétt Áslaug Arna farin í frí en enginn tekinn við Sviptur prófinu eftir að hafa ekið á 185 Ældi í rútunni og réðst svo á bílstjórann Sá sem réðst á Ingunni áfrýjar til hæstaréttar Bein útsending: Rektorsskipti í Háskóla Íslands Snurða hljóp á þráðinn í nótt Samstöðinni verði mögulega lokað í kvöld: Vilja fá lögbann á boðaðan aðalfund Strandveiðibátur sökk úti fyrir Patreksfirði Reynt að ná saman um þinglok og hart deilt um Vorstjörnuna Máttu ekki eyða gögnum fyrr en málum væri lokið á öllum dómstigum Bjórpása í Víkinni og lögreglan í heimsókn í Garðabæ Skoða ekki hvort maður hafi mátt binda barn niður og kitla Biður Höllu afsökunar á fréttum af meintum lífvörðum Svörin líklega að finna á Íslandi: Vonlítill um að Jón Þröstur sé á lífi Skjálfti upp á þrjá í Kötlu Fundar með þingflokksformönnum Fötlun þýði ekki að börn njóti þess minna að róla og leika sér Borgin fékk frest til að svara Umboðsmanni um fundargerðarbreytingar Ekkert samkomulag í höfn enn um þinglok Hringsund um Ísland skapi verðmæta þekkingu Óákveðin hvort hún fari aftur fram fyrir Sósíalista: „Mér finnst þetta bara orðið bull“ Tugir missa vinnuna í sumar Segir ráðherra sjálfum í lófa lagið að breyta leikreglum svo ágóðinn rati vestur Sjá meira
Samkvæmt fundagerðum stjórnar Ríkisútvarpsins ohf þá hefur stjórnin haft sáralitla trú á því að fjölmiðlafrumvarp Lilju Daggar Alfreðsdóttur mennta- og menningarmálaráðherra, sem gengur út á stuðning við einkarekna fjölmiðla, verði að veruleika. Í fundargerð frá í maí 2019 segir Ragnheiður Ríkharðsdóttir, fulltrúi Sjálfstæðismanna og varaformaður stjórnar, hennar mat að frumvarpið muni ekki ná fram að ganga á þessu löggjafarþingi og mögulega ekki því næsta heldur. Guðlaugur G. Sverrisson Miðflokksmaður telur þetta alltof þungt mál fyrir Lilju til að það verði klárað. Vandlega yfirstrikaðar fundargerðir Þá telja stjórnarmenn óhjákvæmilegan fylgifisk fjölmiðlafrumvarps ráðherra þann að RÚV og staða þess á auglýsingamarkaði dragist inn í umræðuna. Fjölmiðlafrumvarpið hefur borið reglulega á góma á fundum stjórnar Ríkisútvarpsins ohf. samkvæmt fundargerðum sem Viðskiptablaðið þurfti að toga með töngum út úr stofnuninni. Umfjöllun er þetta má finna í nýjasta tölublaði Viðskiptablaðsins og er þar meðal annars greint frá þeirri baráttu allri. Ein blaðsíða úr fundargerðum stjórnar Ríkisútvarpsins ehf. eftir að lögmaður hafði farið yfir það hvað mætti strika vandlega yfir.Skjáskot úr Viðskiptablaðinu. Úrskurðarnefnd um upplýsingamál, sem hafði úrskurðað í kæru Vb á hendur RÚV svo að ríkisfjölmiðlinum bæri að afhenda fundargerðirnar þurfti svo að ganga í málið á ný eftir að Ríkisútvarpið trassaði í hálft ár að bregðast við. Þegar gögnin loks bárust hafði stofnunin nýtt sér það til hins ítrasta að úrskurðarnefnd hafði fallist á að afmá mætti tilteknar upplýsingar úr fundargerðunum því þar gæti verið um einkamálefni starfsmanna að ræða og/eða vinnugögn. Lögmannsstofa var fengin til að fara yfir fundargerðirnar og bárust þær svo Viðskiptablaðinu meira og minna útkrotaðar. Reyndar er það ekki nýtt að ríkisfjölmiðillinn sé tregur að veita upplýsingar en Vísir komst að því fullkeyptu þegar þess var freistað að fá uppgefin nöfn umsækjenda um stöðu útvarpsstjóra. Það mál rataði alla leið til Umboðsmanns Alþingis sem komst að þeirri niðurstöðu að klúður við lagasetningu hafi reynst stofnuninni skálkasjól og ríkisfjölmiðillinn gat þannig pukrast með nöfnin. Stjórnin telur Lilju ekki heila í „dótturfyrirtækjamálinu“ Jóhann Óli Eiðsson, blaðamaður Viðskiptablaðsins, reyndi í umfjöllun sinni að ráða í það sem þó mátti sjá og komst til dæmis að því að stjórnarmennirnir Magnús Geir Þórðarson fyrrverandi útvarpsstjóri og Ragnheiður töldu opinberar yfirlýsingar Lilju varðandi aðgerðarleysi Ríkisútvarpsins við að stofna dótturfélög, að það væri stjórnar að fylgja því eftir, stangast á við orð hennar inn í hópinn. En áður hafði Ríkisendurskoðandi veitt RÚV ákúrur fyrir að hafa látið undir höfuð leggjast að sinna þessari lögbundnu skyldu sinni. Ummæli Lilju virðast hafa komið flatt upp á stjórnarmenn; „alger kúvending frá fyrri samskiptum“. En helst er á umfjölluninni að skilja að stjórnin hafi í samráði við ráðherra dregið lappirnar við að stofna dótturfélög vegna kostnaðar og að það þýddi minna fé til dagskrárgerðar. Áðurnefnd Ragnheiður segir að „mun fagmannlegra hefði verið ef stjórn hefði fengið eitthvað formlegt frá ráðherra um að stjórn skuli stofna dótturfélag, frekar en yfirlýsingu í blöðum. Það sé mjög hart að þurfa að sitja undir því að vera vændur um að vera ekki að vinna vinnuna sína,“ segir fundargerð stjórnar frá september 2018. Og Magnús Geir segir þetta þvert á það sem ráðherra hefði sagt í samtölum við þá. Þetta brýtur í bága við það sem Lilja hefur haft um málið að segja eins og sést í tengdri frétt hér ofar: „Ég hef alltaf verið á þeirri skoðun að það eigi að setja dótturfélagið á laggirnar og hér kemur staðfesting á því. Ég fagna þessari niðurstöðu og ég hef þegar verið í sambandi við stjórn RÚV sem mun núna hrinda þessu í framkvæmd fyrir áramót.“ Vilja vera samkeppnishæf um starfsfólk Ýmissa grasa kennir í spjalli stjórnarmanna og því sem skráð var í fundargerðir ef marka má það sem þó má sjá. Þannig voru samningar við Ástrali komnir vel á veg með að halda Eurovision á Ísland ef Ástralía hefði sigur í keppninni. Einhverjum stjórnarmönnum þykir landbyggðaþátturinn Landinn pínlega viðskipamiðaður - „fyrirtækjanálgun væri of augljós og RÚV ekki til sóma“ – og stjórnarmenn hafa áhyggjur af kjörum fréttamanna á fréttastofunni sem þeir halda að séu almennt verri en gengur og gerist og rýri möguleika RÚV til mannaráðninga.
Fjölmiðlar Umboðsmaður Alþingis Ríkisstjórn Katrínar Jakobsdóttur Ríkisútvarpið Tengdar fréttir RÚV brýtur lög að mati ríkisendurskoðanda Dökkgrá skýrsla um Ríkisútvarpið ohf. er komin út. 20. nóvember 2019 11:51 400 milljónir fara í stuðning við einkarekna fjölmiðla Meirihluti fjárlaganefndar Alþingis leggur til að fjárstuðningur við einkarekna miðla í kórónuveirufaraldrinum verði aukinn um 50 milljónir, frá því sem boðað var í öðrum aðgerðapakka ríkisstjórnarinnar. 9. maí 2020 16:44 Styrkurinn kemur ekki í stað fjölmiðlafrumvarpsins 350 milljóna króna stuðningur við einkarekna fjölmiðla sem tilkynntur var í öðrum aðgerðapakka ríkisstjórnarinnar kemur ekki í stað þeirrar upphæðar sem kveðið er á um í fjölmiðlafrumvarpinu. 24. apríl 2020 23:24 Mest lesið Strandveiðisjómaður lést Innlent Allkröpp lægð á leiðinni til landsins Veður Biður Höllu afsökunar á fréttum af meintum lífvörðum Innlent Ældi í rútunni og réðst svo á bílstjórann Innlent Samstöðinni verði mögulega lokað í kvöld: Vilja fá lögbann á boðaðan aðalfund Innlent Unglingsstúlka lést þegar hestur dró hana eftir jörðinni Erlent Tugir missa vinnuna í sumar Innlent Snurða hljóp á þráðinn í nótt Innlent Fötlun þýði ekki að börn njóti þess minna að róla og leika sér Innlent Hefur í hótunum við New York vegna „kommúnistans“ Mamdani Erlent Fleiri fréttir „Þetta er ekkert líf“ Umræða um veiðigjöldin orðin sú þriðja lengsta Óprúttinn aðili rispaði tíu bíla á Seltjarnarnesi Fylkingarnar safna liði og ásakanir ganga á víxl: Stefnir í átök í Bolholti Líf í biðstöðu og hitafundur sósíalista Strandveiðisjómaður lést Deila um Suðurnesjalínu 2 fer beint í Hæstarétt Áslaug Arna farin í frí en enginn tekinn við Sviptur prófinu eftir að hafa ekið á 185 Ældi í rútunni og réðst svo á bílstjórann Sá sem réðst á Ingunni áfrýjar til hæstaréttar Bein útsending: Rektorsskipti í Háskóla Íslands Snurða hljóp á þráðinn í nótt Samstöðinni verði mögulega lokað í kvöld: Vilja fá lögbann á boðaðan aðalfund Strandveiðibátur sökk úti fyrir Patreksfirði Reynt að ná saman um þinglok og hart deilt um Vorstjörnuna Máttu ekki eyða gögnum fyrr en málum væri lokið á öllum dómstigum Bjórpása í Víkinni og lögreglan í heimsókn í Garðabæ Skoða ekki hvort maður hafi mátt binda barn niður og kitla Biður Höllu afsökunar á fréttum af meintum lífvörðum Svörin líklega að finna á Íslandi: Vonlítill um að Jón Þröstur sé á lífi Skjálfti upp á þrjá í Kötlu Fundar með þingflokksformönnum Fötlun þýði ekki að börn njóti þess minna að róla og leika sér Borgin fékk frest til að svara Umboðsmanni um fundargerðarbreytingar Ekkert samkomulag í höfn enn um þinglok Hringsund um Ísland skapi verðmæta þekkingu Óákveðin hvort hún fari aftur fram fyrir Sósíalista: „Mér finnst þetta bara orðið bull“ Tugir missa vinnuna í sumar Segir ráðherra sjálfum í lófa lagið að breyta leikreglum svo ágóðinn rati vestur Sjá meira
RÚV brýtur lög að mati ríkisendurskoðanda Dökkgrá skýrsla um Ríkisútvarpið ohf. er komin út. 20. nóvember 2019 11:51
400 milljónir fara í stuðning við einkarekna fjölmiðla Meirihluti fjárlaganefndar Alþingis leggur til að fjárstuðningur við einkarekna miðla í kórónuveirufaraldrinum verði aukinn um 50 milljónir, frá því sem boðað var í öðrum aðgerðapakka ríkisstjórnarinnar. 9. maí 2020 16:44
Styrkurinn kemur ekki í stað fjölmiðlafrumvarpsins 350 milljóna króna stuðningur við einkarekna fjölmiðla sem tilkynntur var í öðrum aðgerðapakka ríkisstjórnarinnar kemur ekki í stað þeirrar upphæðar sem kveðið er á um í fjölmiðlafrumvarpinu. 24. apríl 2020 23:24