Handbolti

Þýsku úrvalsdeildinni í handbolta frestað fram í maí

Runólfur Trausti Þórhallsson skrifar
Alexander Petersson og félagar hans í Rhein-Neckar Löwen sitja  sem stendur í 6. sæti þýsku úrvalsdeildarinnar
Alexander Petersson og félagar hans í Rhein-Neckar Löwen sitja  sem stendur í 6. sæti þýsku úrvalsdeildarinnar Vísir/Getty

Þjóðverjar stefna á að hefja leik að nýju í úrvalsdeildinni í handbolta þann 16. maí næstkomandi. Mögulega gæti það þó farið svo að deildin verði einfaldlega blásin af. 

Þetta kom fram á vefsíðu deildarinnar fyrr í dag.

Öllum leikjum í þýska handboltanum var frestað ótímabundið í byrjun mars vegna COVID-19 en áætlað var að leikar myndu hefjast aftur þann 23. apríl. Nú er ljóst að engar líkur eru á að hægt verði að hefja leik þegar sá 23. gengur í garð og því hefur deildinni verið frestað um tæpan mánuð til viðbótar. 

Stefnt er að því að hefja leik þann 16. maí en það fer allt eftir því hvernig ástandið í Þýskalandi verður á þeim tímapunkti. Ef kórónuveiran verður enn jafn skæð þá og undanfarið er möguleiki að deildinni verði einfaldlega aflýst. 

Forráðamenn félaganna sem skipa úrvalsdeildina staðfestu þetta einnig í dag. Hvernig nákvæmlega því verður háttað á eftir að koma í ljós. Það hefur þó verið staðfest að ekkert lið myndi falla og liðin í B-deildinni ættu enn möguleika á að komast upp í úrvalsdeildina.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.