Jafnteflið ekki áfall

Sir Alex Ferguson, knattspyrnustjóri Manchester United, segir að jafnteflið gegn utandeildarliðinu Burton í enska bikarnum í dag sé ekki áfall, þó vissulega hafi hans menn búist við sigri.

"Allir ætluðust að sjálfssögðu til þess að við kláruðum leikinn, en eins og allir sjá, er ekkert gefið í FA bikarnum. Allt getur gerst þegar keppt er við slæm vallarskilyrði og andstæðingarnir berjast til síðasta manns. Við vorum aldrei í hættu á að komast á spjöld sögunnar með því að tapa þessum leik, en ég ætla þó ekki að taka neitt af liði Burton, það spilaði vel í dag," sagði Ferguson.