Óvenju lágt hlutfall í launakostnað hjá Hraðbraut

Aðeins 37% af rekstrarútgjöldum menntaskólans Hraðbrautar eru laun. Í framhaldsskólum á vegum ríkisins er hlutfall launakostnaðar að jafnaði tvöfalt hærra eða um 75%. Þetta kemur fram í skýrslu menntamálanefndar um Hraðbraut en í henni eru stjórnendur skólans harðlega gangrýndir fyrir meðferð sína á opinberum fjármunum.

Í skýrslu menntamálanefndar um Hraðbraut kemur fram að samkvæmt þjónustusamningi menntamálaráðuneytisins við skólann skuli skuli árlega fara fram uppgjör þar sem áætlanir um nemendafjölda og fjárframlög ríksins eru bornar saman við rauntölur.

Slíkt uppgjör hefur þó aldrei farið fram á þeim átta árum sem skólinn hefur verið starfræktur, þrátt fyrir að skólinn og ráðuneytið hafi vitað að nemendafjöldi við skólann væri ekki í takti við fjárframlög og að skólinn hafi ítrekað fengið hærri greiðslur en hann átti rétt á samkvæmt samningi.

Skuld skólans við ríkissjóð vegna þessara ofgreiddu framlaga nemur 192 millj. kr. en skólinn var rekinn með 13 milljón króna halla í fyrra en það var eina árið þar sem samræmi var á milli framlaga úr ríkissjóði og raunverulegs nemendafjölda. Það er að segja þegar engur ofgreiðslur úr ríkissjóði eru til staðar skilar skólinn tapi.

Í niðurstöðum skýrslu menntamálanefndar kemur fram rík áhersla á að Hraðbraut beri að endurgreiða þær 192 milljónir sem skólinn fékk ofgreiddar frá ríkinu.

Ekki sé fullnægjandi að skuld skólans við ríkið verði greidd til baka með því að kenna fleiri nemendum en greitt er fyrir eins og forsvarsvmenn Hraðbrautar hafa lagt til.

Meirihluti menntamálanefndar gerir athugasemd við að óvenju lágu hlutfalli af rekstrarútgjöldum skólans sé varið í laun og launatengd gjöld borið saman við opinbera framhaldsskóla. Samkvæmt ársreikningi Hraðbrautar fyrir árið 2007 var launakostnaður ekki nema 37% af rekstrarútgjöldum skólans. Í framhaldsskólum á vegum ríkisins er hlutfall launakostnaðar að jafnaði tvöfalt hærra eða um 75% af rekstrarútgjöldum.

Það mál gæti reyndar haft afleiðingar því kennarasambandið er með dómsmál í undirbúningi á hendur hraðbraut vegna þess að það telur skólinn greiði kennurum lægri laun en kjarasamningar kveða á um..

Meirihluti menntamálanefndar segir að þegar tekið sé tillit til þess að skólinn skili tapi þegar hann fá greitt samkvæmt samningi í stað endalausra ofgreiðslana sé rekstrargrundvöllur hans ótraustur. Og í ljósi þeirra alvarlegu ásakana sem fram koma í garð eigenda skólans í skýrslu Ríkisendurskoðunar um meðferð þeirra á opinberu fjármagni segist meirihlutinn ekki geta mælt með því að þjónustusamningur ráðuneytisins við Hraðbraut verði endurnýjaður.