40% tekna til ríkis og bæja 13. október 2005 14:44 Það stefnir í að hið opinbera jafni met sitt í álögum á landsmenn á þessu ári. Nú er áætlað að rétt um fjörutíu prósent af öllum tekjum landsmanna fari til ríkis og sveitarfélaga í formi skatta. Stjórnvöld hyggjast þó létta skattbyrðina á næstu árum. Sjóðir hins opinbera njóta góðæris í ríkari mæli en þjóðlífið að öðru leyti. Meðan hagvöxtur stefnir í að vera fimm og hálft prósent á þessu ári stefnir í að skatttekjur hins opinbera, bæði ríkis og sveitarfélaga, hækki mun meira og verði átta og hálfu prósenti meiri í ár en í fyrra. Skatttekjur námu um 316 milljörðum króna á síðasta ári en nú er áætlað að þær fari í um 343 milljarða króna. Viðbótin er tæpir 27 milljarðar króna. Ef skoðuð er þróun skattbyrðinnar eins og fjármálaráðuneytið mælir hana, sem hlutfall skatta af landsframleiðslu, sést að árið 1995 var skattbyrði á Íslandi um 34 prósent. Hún fór síðan hraðvaxandi og mældist 39,4 prósent árið 1999. Árin 2001 og 2002 var hún um 37,5 prósent en fór síðan í fyrra upp í 39 prósent. Og á þessu ári áætlar fjármálaráðuneytið að skattbyrðin fari í 39,4 prósent og jafni þannig metið frá 1999. Það virðist kannski ekki mikið að skattbyrði hins opinbera þyngist um 0,4 prósent á þessu ári en þegar litið er til þess að landsframleiðslan nemur hátt í 900 milljörðum er verið að tala um raunaukningu skatta um þrjá og hálfan milljarð króna. Fjármálaráðherra boðar hins vegar skattalækkanir og áætlar ráðuneytið að skattbyrðin muni síga niður í um 39 prósent á næsta ári og niður í 37,5 prósent á þarnæsta ári. Fjármál Skattar Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Segir brjóst myndast við mikla bjórdrykkju Lífið Fréttatía vikunnar: Kosningar, eldgos og meistarar Lífið „Tilfinningaþrungið að fá að fylgja myndinni í flík sem þessari“ Tíska og hönnun The Lazarus Project: Varúð, veldur svefnleysi Gagnrýni Erna Ómars er borgarlistamaður Reykjavíkur Menning Frambjóðendum gekk misvel í hraðaspurningum Lífið Af vængjum fram: Grínaðist alltaf með að láta húðflúra einstefnuskilti á rassgatið Lífið Ghost of Tsushima: Kominn út á PC og enn geggjaður Leikjavísir Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira
Það stefnir í að hið opinbera jafni met sitt í álögum á landsmenn á þessu ári. Nú er áætlað að rétt um fjörutíu prósent af öllum tekjum landsmanna fari til ríkis og sveitarfélaga í formi skatta. Stjórnvöld hyggjast þó létta skattbyrðina á næstu árum. Sjóðir hins opinbera njóta góðæris í ríkari mæli en þjóðlífið að öðru leyti. Meðan hagvöxtur stefnir í að vera fimm og hálft prósent á þessu ári stefnir í að skatttekjur hins opinbera, bæði ríkis og sveitarfélaga, hækki mun meira og verði átta og hálfu prósenti meiri í ár en í fyrra. Skatttekjur námu um 316 milljörðum króna á síðasta ári en nú er áætlað að þær fari í um 343 milljarða króna. Viðbótin er tæpir 27 milljarðar króna. Ef skoðuð er þróun skattbyrðinnar eins og fjármálaráðuneytið mælir hana, sem hlutfall skatta af landsframleiðslu, sést að árið 1995 var skattbyrði á Íslandi um 34 prósent. Hún fór síðan hraðvaxandi og mældist 39,4 prósent árið 1999. Árin 2001 og 2002 var hún um 37,5 prósent en fór síðan í fyrra upp í 39 prósent. Og á þessu ári áætlar fjármálaráðuneytið að skattbyrðin fari í 39,4 prósent og jafni þannig metið frá 1999. Það virðist kannski ekki mikið að skattbyrði hins opinbera þyngist um 0,4 prósent á þessu ári en þegar litið er til þess að landsframleiðslan nemur hátt í 900 milljörðum er verið að tala um raunaukningu skatta um þrjá og hálfan milljarð króna. Fjármálaráðherra boðar hins vegar skattalækkanir og áætlar ráðuneytið að skattbyrðin muni síga niður í um 39 prósent á næsta ári og niður í 37,5 prósent á þarnæsta ári.
Fjármál Skattar Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Segir brjóst myndast við mikla bjórdrykkju Lífið Fréttatía vikunnar: Kosningar, eldgos og meistarar Lífið „Tilfinningaþrungið að fá að fylgja myndinni í flík sem þessari“ Tíska og hönnun The Lazarus Project: Varúð, veldur svefnleysi Gagnrýni Erna Ómars er borgarlistamaður Reykjavíkur Menning Frambjóðendum gekk misvel í hraðaspurningum Lífið Af vængjum fram: Grínaðist alltaf með að láta húðflúra einstefnuskilti á rassgatið Lífið Ghost of Tsushima: Kominn út á PC og enn geggjaður Leikjavísir Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira