Myndband sem líkir eftir árásunum 11. september

Í byrjun mánaðarins var myndband með tölvulíkingum af árásunum á Tvíburaturnana í New York sett á You Tube síðuna. Myndbandið sýnir hvernig Boeing 767 flugvélarnar skullu á byggingarnar, ruddu öllu eldvarnarefni frá stoðsúlum þeirra sem leiddi til hruns þeirra. Myndirnar eru hluti af rannsókn sem hefur verið í gangi í hátt á þriðja ár. Vonast er til að þær hjálpi verkfræðingum við að hanna öruggari byggingar í framtíðinni.

Christoph Hoffman, einn af forsvarsmönnum rannsóknarinnar, segir að þegar bygging Alþjóðaviðskiptastofnunarinnar var hönnuð hafi verið gert ráð fyrir að flugvélar myndu skella á bygginguna. Það hefði hins vegar ekki verið gert ráð fyrir öllu því eldhafi sem varð við fall turnanna. Þetta er í samræmi við niðurstöður sem National Institute of Standards and Technology birti árið 2005. Í skýrslu þeirra er mælt með að háar byggingar séu styrktar með stáli og styrktri steypu og að brunavörnum verði fjölgað, svo sem með fjölgun vatnsúðara, vatnsslöngum og brunaboðum.

Myndbandið var sett á YouTube þann 1. júní og var skoðað tvö þúsund sinnum á fyrsta klukkutímanum. Á síðustu þremur vikum hefur myndbandið verið skoðað 12 þúsund sinnum.