Íslenski boltinn

Eyjamenn vilja ganga frá ráðningu nýs þjálfara fyrir næsta leik

Ingvi Þór Sæmundsson skrifar
Jeffs stýrði ÍBV í tapinu fyrir KR, 1-2, á laugardaginn.
Jeffs stýrði ÍBV í tapinu fyrir KR, 1-2, á laugardaginn. vísir/vilhelm
ÍBV vill klára ráðningu á nýjum þjálfara fyrir leikinn gegn FH í Pepsi Max-deild karla á laugardaginn.

Ian Jeffs tók við Eyjaliðinu til bráðabirgða eftir að Pedro Hipolito var sagt upp eftir tapið fyrir Stjörnunni, 0-2, fyrir rúmri viku.

Jeffs stýrði ÍBV í leiknum gegn KR á laugardaginn. Eyjamenn töpuðu, 1-2, og eru sex stigum frá öruggu sæti.

„Þetta verður klárað núna í vikunni. Þetta er í vinnslu og verður klárt fyrir næsta leik,“ sagði Magnús Elíasson hjá knattspyrnuráði ÍBV í samtali við Fótbolta.net í dag.

Hann vildi ekkert gefa upp hvort Jeffs yrði aðal- eða aðstoðarþjálfari ÍBV, bara að hann yrði áfram í þjálfarateyminu.

Þá segir Magnús að ÍBV fái litháískan miðvörð á reynslu í vikunni.

Eyjamenn hafa fengið á sig flest mörk allra í liða í Pepsi Max-deildinni, eða 27 mörk í ellefu leikjum.

Pepsi Max-deild karla Vestmannaeyjar

Tengdar fréttir

Hipolito hættur hjá ÍBV

ÍBV og þjálfarinn komust að samkomulagi um starfslok. Ian Jeffs tekur tímabundið við þjálfun meistaraflokks karla.

Hipolito: Opinn fyrir því að þjálfa áfram á Íslandi

Pedro Hipolito var staddur á skrifstofu ÍBV í morgun að ná í dótið sitt er Vísir heyrði í honum hljóðið. Hann var rekinn sem þjálfari karlaliðs félagsins í gær. Hann tók tíðindunum ágætlega.

Mest lesið


Fleiri fréttir

Sjá meira


×

Mest lesið