Damien Rice semur lag fyrir sýninguna Ör Stefán Árni Pálsson skrifar 18. september 2019 16:30 Rice á tónleikum í New Orleans. vísir / getty Fimmtudaginn 19. september frumsýnir Þjóðleikhúsið í Kassanum leikritið Ör (eða Maðurinn er eina dýrið sem grætur) eftir Auði Övu Ólafsdóttur. Skáldsagan Ör spratt á sínum tíma af uppkasti að þessu leikriti. Leikritið byggir á sama grunni og skáldsagan en lýtur eigin lögmálum. Ólafur Egill Egilsson leikstýrir og Baldur Trausti Hreinsson leikur aðalhlutverkið. Írski tónlistarmaðurinn Damien Rice semur lag sérstaklega fyrir sýninguna. Þetta kemur fram í tilkynningu frá Þjóðleikhúsinu. Damien Rice er heimsþekktur tónlistarmaður og hefur átt lög á vinsældarlistum um allan heim. Færri vita að hann hefur verið búsettur á Íslandi um nokkurra ára skeið. Nágranni hans, Ólafur Egill Egilsson, sá sér leik á borði þegar honum var falið að leikstýra verki Auðar Övu, Ör (eða Maðurinn er eina dýrið sem grætur) og bað Damien að semja tónlist fyrir sýninguna. „Damien er þekktur fyrir tilfinningaríka og tjáningarfulla tónlist og mér fannst rakið að athuga hvort hann fengist ekki í þetta verkefni. Við settumst því niður og ég endursagði honum bókina. Hann hreifst mjög af sögunni og eftir nokkurn umþóttunartíma tók hann að sér verkið. Lagið sem hefur fengið nafnið Able er nú að koma í spilun á næstu dögum,” segir Ólafur Egill. Damien Rice semur nú í fyrsta sinn tónlist fyrir Þjóðleikhúsið, en margir muna magnaða tónleika sem hann hélt í leikhúsinu árið 2015. Leikritið er í senn órætt, fyndið og ágengt, og spyr áleitinna spurninga um lífið og dauðann, samskipti kynjanna og leit að samastað í veröldinni. Jónas Ebeneser, fráskilinn karlmaður á miðjum aldri, fær að vita að uppkomin dóttir hans, Vatnalilja, er í raun barn annars manns. Vængbrotinn og í djúpri tilvistarkreppu reynir Jónas að átta sig á hlutverki sínu í þessum heimi og skilja konur, rétt eins og Svanur, nágranni hans og kórfélagi. Í lífi Jónasar eru þrjár konur; Stella móðir hans sem dvelur á dvalarheimili og er gagntekin af tölfræði stríða, líffræðingurinn Vatnalilja sem er sérfræðingur í súrnun sjávar og innflytjandinn Maí sem starfar á dvalarheimilinu og tekst á við fortíð í stríðshrjáðu landi. En konur geta verið flóknar og margt sem þær varðar sannkölluð ráðgáta. Damien Rice bætist þar með í hóp þeirra frábæru tónlistarmanna sem munu semja og flytja tónlist við leikverk Þjóðleikhússins í vetur. Þar má telja Auð sem semur tónlist fyrir Kópavogskróniku, Jón Jónsson og Frikka Dór semja fyrir Shakespeare verður ástfanginn en tónlistarkonana GDRN flytur tónlistina í sýningunni. Pétur Ben semur tónlist fyrir Brúðumeistarann, Gísli Galdur fyrir Atómstöðina og Valgeir Sigurðsson fyrir Meistarann og Margarítu svo fáir séu nefndir. Rice er helst þekktur fyrir lög á borð við The Blower´s Daughter, 9 Crimes, Volcano, I Remember og fleiri lög. Leikhús Tónlist Mest lesið Af vængjum fram: „Ég ætla ekkert að fara að gráta hérna“ Lífið Heitustu trendin fyrir sumarið 2024 Lífið Ásdís Rán býður forsetaefnum á rauða dregilinn Lífið Fréttatía vikunnar: Forsetakosningar, sjóslys og mýflugnafaraldur Lífið Hafa ekki sést saman í sjö vikur Lífið „Blessunarlega ekkert stoppaður af foreldrum mínum“ Tíska og hönnun Forseti Hæstaréttar og Kristján Loftsson í gámapartýi Lífið „Fengum ekki sjokk, en við fengum sjokk að hann væri með hjartagalla“ Lífið Myndaveisla: Sællegar skvísur í sumarfíling Lífið Matti og tengdó selja 220 milljóna króna einbýlishús Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
Fimmtudaginn 19. september frumsýnir Þjóðleikhúsið í Kassanum leikritið Ör (eða Maðurinn er eina dýrið sem grætur) eftir Auði Övu Ólafsdóttur. Skáldsagan Ör spratt á sínum tíma af uppkasti að þessu leikriti. Leikritið byggir á sama grunni og skáldsagan en lýtur eigin lögmálum. Ólafur Egill Egilsson leikstýrir og Baldur Trausti Hreinsson leikur aðalhlutverkið. Írski tónlistarmaðurinn Damien Rice semur lag sérstaklega fyrir sýninguna. Þetta kemur fram í tilkynningu frá Þjóðleikhúsinu. Damien Rice er heimsþekktur tónlistarmaður og hefur átt lög á vinsældarlistum um allan heim. Færri vita að hann hefur verið búsettur á Íslandi um nokkurra ára skeið. Nágranni hans, Ólafur Egill Egilsson, sá sér leik á borði þegar honum var falið að leikstýra verki Auðar Övu, Ör (eða Maðurinn er eina dýrið sem grætur) og bað Damien að semja tónlist fyrir sýninguna. „Damien er þekktur fyrir tilfinningaríka og tjáningarfulla tónlist og mér fannst rakið að athuga hvort hann fengist ekki í þetta verkefni. Við settumst því niður og ég endursagði honum bókina. Hann hreifst mjög af sögunni og eftir nokkurn umþóttunartíma tók hann að sér verkið. Lagið sem hefur fengið nafnið Able er nú að koma í spilun á næstu dögum,” segir Ólafur Egill. Damien Rice semur nú í fyrsta sinn tónlist fyrir Þjóðleikhúsið, en margir muna magnaða tónleika sem hann hélt í leikhúsinu árið 2015. Leikritið er í senn órætt, fyndið og ágengt, og spyr áleitinna spurninga um lífið og dauðann, samskipti kynjanna og leit að samastað í veröldinni. Jónas Ebeneser, fráskilinn karlmaður á miðjum aldri, fær að vita að uppkomin dóttir hans, Vatnalilja, er í raun barn annars manns. Vængbrotinn og í djúpri tilvistarkreppu reynir Jónas að átta sig á hlutverki sínu í þessum heimi og skilja konur, rétt eins og Svanur, nágranni hans og kórfélagi. Í lífi Jónasar eru þrjár konur; Stella móðir hans sem dvelur á dvalarheimili og er gagntekin af tölfræði stríða, líffræðingurinn Vatnalilja sem er sérfræðingur í súrnun sjávar og innflytjandinn Maí sem starfar á dvalarheimilinu og tekst á við fortíð í stríðshrjáðu landi. En konur geta verið flóknar og margt sem þær varðar sannkölluð ráðgáta. Damien Rice bætist þar með í hóp þeirra frábæru tónlistarmanna sem munu semja og flytja tónlist við leikverk Þjóðleikhússins í vetur. Þar má telja Auð sem semur tónlist fyrir Kópavogskróniku, Jón Jónsson og Frikka Dór semja fyrir Shakespeare verður ástfanginn en tónlistarkonana GDRN flytur tónlistina í sýningunni. Pétur Ben semur tónlist fyrir Brúðumeistarann, Gísli Galdur fyrir Atómstöðina og Valgeir Sigurðsson fyrir Meistarann og Margarítu svo fáir séu nefndir. Rice er helst þekktur fyrir lög á borð við The Blower´s Daughter, 9 Crimes, Volcano, I Remember og fleiri lög.
Leikhús Tónlist Mest lesið Af vængjum fram: „Ég ætla ekkert að fara að gráta hérna“ Lífið Heitustu trendin fyrir sumarið 2024 Lífið Ásdís Rán býður forsetaefnum á rauða dregilinn Lífið Fréttatía vikunnar: Forsetakosningar, sjóslys og mýflugnafaraldur Lífið Hafa ekki sést saman í sjö vikur Lífið „Blessunarlega ekkert stoppaður af foreldrum mínum“ Tíska og hönnun Forseti Hæstaréttar og Kristján Loftsson í gámapartýi Lífið „Fengum ekki sjokk, en við fengum sjokk að hann væri með hjartagalla“ Lífið Myndaveisla: Sællegar skvísur í sumarfíling Lífið Matti og tengdó selja 220 milljóna króna einbýlishús Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira