Jafnt í Íslendingaslag í Portland

Ekkert mark var skorað í leik Íslendingaliðanna Portland Thorns og Utah Royals í bandarísku kvennadeildinni í nótt.

Dagný Brynjarsdóttir lék allan leikinn fyrir Portland sem mistókst að skora á heimavelli í deildarkeppninni í fyrsta sinn í rúm þrjú ár.

Gunnhildur Yrsa Jónsdóttir lék sömuleiðis allan leikinn fyrir Utah sem er með 17 stig, jafn mörg og topplið Washington Spirit sem á leik til góða.

Þetta var í sjötta sinn sem Utah heldur hreinu í fyrstu níu leikjum tímabilsins.

Portland er í 3. sæti deildarinnar með 16 stig, einu stigi á eftir Washington og Portland.