Íslenski boltinn

Óskar Hrafn þjálfari ársins 2019

Ingvi Þór Sæmundsson skrifar
Þjálfari ársins 2019: Óskar Hrafn Þorvaldsson.
Þjálfari ársins 2019: Óskar Hrafn Þorvaldsson. vísir/baldur hrafnkell

Óskar Hrafn Þorvaldsson er þjálfari ársins 2019 að mati Samtaka íþróttafréttamanna.

Valið var kunngjört á árlegu hófi ÍSÍ og Samtaka íþróttafréttamanna í Hörpu í kvöld.

Undir stjórn Óskars vann Grótta Inkasso-deild karla í fótbolta og tryggði sér sæti í efstu deild í fyrsta sinn í sögu félagsins.

Eftir tímabilið hætti Óskar hjá Gróttu og tók við Breiðabliki, silfurliði Pepsi Max-deildar karla.

Óskar stýrði Gróttu í tvö ár og á þeim tíma fór liðið upp um tvær deildir.

Óskar, sem er 46 ára, lék með KR á árunum 1991-97, og svo um tíma sem atvinnumaður með Strømsgodset í Noregi. Hann lék þrjá A-landsleiki.

Hinir sem komu til greina sem þjálfari ársins voru Alfreð Gíslason og Patrekur Jóhannesson.

Alfreð gerði Kiel að EHF-meisturum og bikarmeisturum í Þýskalandi. Undir stjórn Patreks varð karlalið Selfoss Íslandsmeistari í handbolta í fyrsta sinn.


Tengdar fréttir

Alfreð tekinn inn í Heiðurshöll ÍSÍ

Alfreð Gíslason, handboltaþjálfari, var tekinn inn í Heiðurshöll ÍSÍ á hófi samtaka íþróttafréttamanna og ÍSÍ í kvöld.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.