Klopp bað túlkinn sem hann skammaði afsökunar
Jürgen Klopp bað túlkinn sem hann skammaði á blaðamannafundi á mánudaginn afsökunar eftir leik Liverpool og Red Bull Salzburg í Meistaradeild Evrópu í gær.
Klopp var ekki sáttur með hvernig túlkurinn þýddi orð Jordans Henderson, fyrirliða Liverpool, á þýsku á blaðamannafundi á mánudaginn. Klopp þýddi orð Hendersons sjálfur og lét túlkinn svo heyra það.
Jurgen Klopp calls out a German translator for misquoting Jordan Henderson pic.twitter.com/4lY4QBcfm2
— ESPN FC (@ESPNFC) December 10, 2019
Sá þýski virðist hafa séð eftir því en á blaðamannafundi eftir leikinn gegn Salzburg í gær bað hann túlkinn afsökunar.
„Áður en við byrjum vil ég biðja þig fyrirgefningar á þessu sem gerðist í gær. Þetta var ósanngjarnt og sérstaklega þar sem þetta gerðist opinberlega,“ sagði Klopp á þýsku.
„Þetta var fullkomlega heimskt. Ég var ekki hrifinn af því hvernig svarið var þýtt en ég brást rangt við. Ég hefði átt að gera betur og biðst afsökunar,“ bætti Klopp við og tók í kjölfarið í spaðann á túlkinum.
"It was completely stupid"
— Goal (@goal) December 11, 2019
Jurgen Klopp apologises to a translator after criticising his work on Monday pic.twitter.com/uFvQen8JZF
Klopp hafði ástæðu til að vera kátur eftir leikinn í Salzburg í gær því Liverpool vann 0-2 sigur og tryggði sér þar með sæti í 16-liða úrslitum Meistaradeildarinnar.
Dregið verður í 16-liða úrslitin á mánudaginn.
Tengdar fréttir
Klopp hrósaði Salzburg í hástert: Þvílíkt lið
Jurgen Klopp, stjóri Liverpool, hrósaði mótherjum Liverpool í kvöld en Evrópumeistararnir unnu 2-0 sigur á Red Bull Salzburg á útivelli í Meistaradeildinni.
Klopp tók þýskan túlk „á teppið“ á miðjum blaðamannafundi
Jürgen Klopp lét ekki túlkinn fara með fleipur á blaðamannafundi fyrir leik Liverpool og Red Bull Salzburg.
100 sekúndna kafli skaut Liverpool áfram | Auðvelt hjá Napoli
Liverpool og Napoli eru komin áfram í 16-liða úrslit Meistaradeildarinnar.
