Fótbolti

Svakalegur riðill bíður Íslands á EM

Íþróttadeild skrifar

Íslenska landsliðinu í knattspyrnu bíður svakalegur riðill komist liðið í lokakeppni EM.

Dregið var í riðla í Bucharest í Rúmeníu í dag, en fyrir dráttinn var ljóst að sigurvegari A-umspilsins, sem Ísland er í, yrði í F-riðli með Þýskalandi.

Það átti eftir að fylla hin tvö sætin í riðlinum og þangað fór líklega erfiðasti andstæðingurinn úr hvorum potti, heimsmeistarar Frakklands og Evrópumeistarar Portúgal.

Ísland mun mæta Portúgal í fyrsta leik riðilsins fari liðið á EM, en Portúgal var einmitt fyrsti andstæðingur Íslands á EM 2016.



F-riðillinn er án nokkurs vafa dauðariðill mótsins en alla riðlana má sjá hér að neðan í beinu textalýsingunni frá drættinum.

EM 2020 hefst með opnunarleik 12. júní í Róm. Fyrsti leikur Íslands, komist þeir á EM, verður 16. júní í Búdapest. Riðlakeppninni lýkur svo 24. júní en úrslitaleikurinn fer fram á Wembley þann 12. júlí.

Fyrst þarf Ísland þó að fara í gegnum umspilið en undanúrslit umspilsins fara fram 26. mars.

Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Mest lesið


Velkomin á Vísi. Þessi vefur notar vafrakökur. Sjá nánar.