Fótbolti

Asprilla fékk leigumorðingja til að þyrma lífi Chilaverts

Ingvi Þór Sæmundsson skrifar
Asprilla skoraði 20 mörk í 57 landsleikjum fyrir Kólumbíu.
Asprilla skoraði 20 mörk í 57 landsleikjum fyrir Kólumbíu. vísir/getty

Kólumbíumaðurinn Faustino Asprilla, fyrrverandi leikmaður Parma, Newcastle United og fleiri liða, segist hafa þurft að sannfæra leigumorðingja um að þyrma lífi markvarðarins marksækna, José Luis Chilavert.

Asprilla rifjaði þetta upp í heimildamynd sem var gefin út í tilefni af fimmtugsafmæli hans.

Asprilla og Chilavert voru báðir reknir út af í leik Kólumbíu og Paragvæ í undankeppni HM árið 1997.

Eftir leikinn hringdi leigumorðingi á hótelherbergi Asprillas og tjáði honum að hann ætlaði að myrða Chilavert.

„Ertu brjálaður?“ sagði Asprilla. „Þú átt eftir að eyðileggja kólumbískan fótbolta. Það sem gerist á fótboltavellinum verður eftir þar.“

Sem betur náði Asprilla að sannfæra leigumorðinginn um að láta það vera að myrða Chilavert. Þremur árum áður var Andreas Escobar, varnarmaður kólumbíska landsliðsins, myrtur fyrir utan skemmtistað í Medellín í Kólumbíu vegna sjálfsmarks sem hann skoraði í leik gegn Bandaríkjunum á HM.

Líf Chilaverts var í hættu eftir leik Kólumbíu og Paragvæ fyrir 22 árum. vísir/getty


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.