Lífið

Jóhannes Haukur velur skemmtilegustu og erfiðustu stórstjörnuna

Stefán Árni Pálsson skrifar
Jóhannes Haukur hefur slegið í gegn undanfarin ár og starfað mikið erlendis.
Jóhannes Haukur hefur slegið í gegn undanfarin ár og starfað mikið erlendis. vísir/vilhelm

Jóhannes Haukur Jóhannesson er einn af okkar farsælustu leikurum sem hefur unnið með hverri stórstjörnunni á fætur annarri. Hann er gestur vikunnar í Einkalífinu og fer um víðan völl í þættinum.

Jóhannes Haukur hefur unnið með mörgum af stærstu stjörnum heims í leiklistarbransanum og var hann beðinn um að telja þær allar upp: „Vin Diesel, Guy Pearce, Eiza González, Charlize Theron, Ian McKellen, Helen Mirren, Will Ferrell, Rachel McAdams, Albert Hughes, Mark Wahlberg og Tom Felton,“ segir Jóhannes sem er nokkuð sáttir við þessa ferilsskrá.

Hann var spurður hvaða leikari hafi verið skemmtilegastur til að vinna með af þessum stórstjörnum?

„Ég myndi segja Ian McKellen. Hann er svo lifaður og svo gamall að það er ekkert bullshit í kringum hann. Við vorum bara að tala um tryggingarmál og eitthvað svona. Bara slakur og rólegur og rosalega viðkunnalegur og lét manni líða vel. Það þótti manni vænt um.“

Í þættinum fer Jóhannes einnig yfir það hver hafi verið erfiðastur en umræðan hefst þegar um ellefu mínútur eru liðnar af þættinum. 

Hér að neðan má sjá þáttinn í heild sinni en í honum ræðir Jóhannes einnig um upphaf ferilsins, hvaða stjörnur hann hefur unnið með síðustu ár og hver hafi verið skemmtilegastur og hver hafi verið hvað leiðinlegastur, hlutverkið sem breytti starfsferli hans, um áhyggjurnar að velgengninni gæti verið lokið á morgun og komandi verkefni en Jóhannes er til að mynda að vinna að kvikmynd með Mark Wahlberg um þessar mundir.


Tengdar fréttir

Átröskunin heltók stóran kafla af lífinu mínu

Vala Kristín Eiríksdóttir er ung og efnileg leikkona sem hefur vakið mikla athygli undanfarin ár fyrir flotta frammistöðu í leiklistarsenunni hér á landi. Vala er gestur vikunnar í Einkalífinu.

Upplifði mikið sjálfshatur í æsku

„Þetta hefur mótað mig að þeirri manneskju sem ég er í dag og kenndi mér mikilvæga lexíu,“ segir Birta Abiba Þórhallsdóttir, Miss Universe Iceland, sem er gestur Einkalífsins í þessari viku.

Drakk frá mér alla ábyrgð

Ingólfur Þórarinsson hefur verið einn vinsælasti tónlistarmaður landsins síðastliðinn fimmtán ár. Ingó er gestur vikunnar í Einkalífinu en í þættinum fer söngvarinn um víðan völl og kemur inn á það að hann hafi ekki drukkið áfengi í sjö mánuði.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.