Lífið

Átröskunin heltók stóran kafla af lífinu mínu

Stefán Árni Pálsson skrifar
Vala Kristín hefur náð langt í leiklistinni þrátt fyrir ungan aldur.
Vala Kristín hefur náð langt í leiklistinni þrátt fyrir ungan aldur. vísir/vilhelm

Vala Kristín Eiríksdóttir er ung og efnileg leikkona sem hefur vakið mikla athygli undanfarin ár fyrir flotta frammistöðu í leiklistarsenunni hér á landi. Vala er gestur vikunnar í Einkalífinu.

Vala vakti athygli þegar hún kom fram í þáttunum Þær Tvær á Stöð 2 á sínum tíma og í framhaldinu af því fór hún af stað með þættina Venjulegt fólk en hún samdi handritið ásamt þeim Júlíönu Söru Gunnarsdóttur, Fannari Sveinssyni, Halldóri Halldórssyni og Glassriver framleiðir. Nú starfar hún í Borgarleikhúsinu og kemur fram í verkinu Sex í sveit. 

Á yngri árum glímdi Vala við átröskun, kvíða og þunglyndi og hefur sú reynsla mótað hana sem manneskju.

„Ég byrja að veikjast í níunda bekk. Þá er maður einhvern veginn að skríða inn í kynþroska og það er ýmislegt sem breytist hjá manni þá. Eftir á að hyggja hugsa ég að þetta hafi verið mín leið til að ná stjórn á lífinu,“ segir Vala og heldur áfram.

„Það voru aðrar áskoranir í mínu lífi sem ég hafði enga stjórn á. Mín átröskun var þannig að þetta var ég að reyna stjórna einhverju. Ég stjórna ekki umhverfinu mínu en ég stjórna eigin líkama. Við þetta blandast hugmynd um fegurð, samkeppni og samskipti kynjanna um að vera flottur. Þetta var síðan ástand sem þróaðist og varð að ótrúlega miklum kvíða og stjórnsemi gagnvart mat og holdafari sem heltók stóran kafla af lífinu mínu. Ég var samt mjög fúnkerandi og naut alveg lífsins upp að miklu marki.“

Vala segir að ástæðan fyrir því að hún hafi verið lengi að leita sér hjálpar hafi verið að hún upplifði vandamálið ekki nógu stórt.

„Mér fannst þetta ekki nógu mikil átröskun eins og hugmyndirnar sem ég hafði um átröskun. Ég fór ekki í svelti og var ekki rúmliggjandi út af þessu. Ég byrjaði að búa til reglur um mat fyrir sjálfan mig en svo þrengdist ramminn og ég borðaði ótrúlega lítið og bara ákveðin mat. Þetta varð í raun að þráhyggju. En sem betur far rankaði ég við mér og hugsaði að mér fyndist þetta ekki gaman.“

Í þættinum hér að ofan ræðir Vala einnig um æskuna, leikhúsið og helstu martröð leikara, hvort konur séu ekki eins fyndnar og karlar, hvort það sé erfiðara að leika grín eða drama, framtíðina og margt fleira.


Tengdar fréttir

Spurning hvort keto henti Jóni og Gunnu

Ragnhildur Þórðardóttir, betur þekkt sem Ragga Nagli, er klínískur heilsusálfræðingur og einkaþjálfari sem búsett er í Danmörku þar sem hún starfar sem sálfræðingur.

Þurfti að skipta um skóla vegna eineltis

Aron Már Ólafsson, betur þekktur sem Aron Mola, er einn efnilegasti leikari landsins í dag og sló hann rækilega í gegn í annarri þáttaröð af Ófærð fyrir nokkrum mánuðum.

Drakk frá mér alla ábyrgð

Ingólfur Þórarinsson hefur verið einn vinsælasti tónlistarmaður landsins síðastliðinn fimmtán ár. Ingó er gestur vikunnar í Einkalífinu en í þættinum fer söngvarinn um víðan völl og kemur inn á það að hann hafi ekki drukkið áfengi í sjö mánuði.

„Var kannski aðeins meðvirk með ástandinu“

Sjónvarpskonan Eva Laufey Kjaran Hermannsdóttir hefur verið á sjónvarpsskjáum landsmanna undanfarin ár og þá aðallega sem sjónvarpskokkur. Núna er Eva orðin dagskrágerðarmaður í þættinum Íslandi í dag á Stöð 2.

Föðurhlutverkið hefur breytt mér

Gunnar Nelson er besti bardagamaður Íslands og hefur náð gríðarlega langt í sínu sporti og þá sérstaklega í UFC. Hann er í 14. sæti á styrkleikalistanum hjá UFC og mætir Alex Oliveira í Toronto þann 8. desember.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.