FH skoraði 42 mörk gegn Víkingi og tryggði sér sæti í 8-liða úrslitum bikarsins
FH gerði sér lítið fyrir og skoraði 42 mörk gegn Víkingi er liðin mættust í 16-liða úrslitum Coca-Cola bikars kvenna í kvöld.
Það var strax ljóst í hvað stefndi en Fimleikafélagið var tíu mörkum yfir í hálfleik, 20-10, og sigurinn nánast í höfn.
Hafnarfjarðarliðið slakaði ekkert á klónni í síðari hálfleik og endaði á því að skora 42 mörk gegn einungis átján mörkum Víkinga. Lokatölur 42-18.
Ragnheiður Tómasdóttir skoraði ellefu mörk fyrir FH og hin unga og efnilega Sylvía Björt Blöndal bætti við níu mörkum.
Katrín Hallgrímsdóttir gerði fjögur fyrir Víking og Ester Inga Ögmundsdóttir þrjú.
Liðin í 8-liða úrslitunum:
Valur
Fram
KA/Þór
HK
Fjölnir
ÍR
FH
Haukar/ÍBV (mætast 13. nóvember)
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
