Kinu látinn fara frá Hamri
1. deildarlið Hamars í Hveragerði ákvað í dag að segja upp samningi sínum við Bandaríkjamanninn Kinu Rochford.
Kinu kom til félagsins í upphafi leiktíðar en staldraði stutt við í blómabænum.
Kinu var með um 20 stig og 12 fráköst að meðaltali í leik hjá Þór Þorlákshöfn í úrslitakeppninni í Dominos-deildinni í fyrra en er með 11,8 stig og 9,3 fráköst að meðaltali í leik með Hamri í vetur.
Máté Dalmay, þjálfari Hamars, staðfesti að samningi við Kinu hefði verið sagt upp en vildi að öðru leyti ekki tjá sig um málið.
Tengdar fréttir
Kinu hatar að vera á Íslandi | Biður Allah um að halda rasistunum fjarri
Einn dáðasti leikmaður Dominos-deildar karla á síðustu leiktíð, Kinu Rochford, hefur ekki átt sjö dagana sæla með Hamri í 1. deildinni.
Kinu: Ég hata ekki Ísland
Körfuboltakappinn Kinu Rochford hjá Hamri segist alls ekki hata Ísland eins og hann lét í skína á tísti á Twitter fyrr í dag. Hann hefur fjarlægt tístið.
