Íslenski boltinn

Atli Sveinn og Óli Stígs taka við Fylki

Henry Birgir Gunnarsson skrifar
Atli Sveinn í leik með Vali.
Atli Sveinn í leik með Vali. vísir/valli

Fylkir réð í dag tvo aðalþjálfara til þess að stýra liðinu næsta sumar. Þetta eru þeir Atli Sveinn Þórarinsson og Ólafur Ingi Stígsson.

Þeir taka við liðinu af Helga Sigurðssyni sem var látinn fara frá félaginu. Helgi samdi í kjölfarið við ÍBV í Vestmannaeyjum.

Ólafur var áður aðstoðarmaður Helga og þekkir því vel til hópsins. Ólafur Ingi Skúlason verður svo spilandi aðstoðarþjálfari.

Þetta er fyrsta þjálfarastarf Atla Sveins í efstu deild en hann var síðast að þjálfa yngri flokka hjá Stjörnunni. Hann þjálfaði Dalvík/Reyni í 3. deildinni sumarið 2016. Atli er Akureyringur og uppalinn hjá KA. Hann lék einnig um árabil með Valsmönnum og var þá á meðal bestu varnarmanna landsins. Hann náði að spila níu A-landsleiki á ferlinum og var í atvinnumennsku hjá Örgryte í Svíþjóð í upphafi aldarinnar.

Ólafur er einn af dáðustu sonum Fylkis. Lék með liðinu um árabil og hefur svo verið aðstoðarþjálfari síðustu þrjú ár.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.