Mikael framlengdi við Midtjylland
Mikael Anderson, U21 árs landsliðsmaður Íslands, framlengdi í dag samning sinn við danska úrvalsdeildarliðið Midtjylland til fjögurra ára.
Kantmaðurinn Mikael er 21 árs gamall en hann gekk til liðs við danska félagið árið 2016. Hann hefur á síðustu árum verið á láni hjá danska liðinu Vendsyssel og hollenska liðinu Exelsior.
Nýi samningurinn bindur Mikael hjá Midtjylland til sumarsins 2023.
Midtjylland er á toppi dönsku úrvalsdeildarinnar eftir átta umferðir, stigi meira en FC Kaupmannahöfn. Af þessum átta leikjum hefur Mikael spilað sjö og skorað eitt mark.
Þá hefur hann spilað tólf leiki með U21 árs landsliði Íslands og hann á einn A-landsliðsleik frá vináttuleik við Indónesíu í janúar 2018.
Mikael Anderson har sat sin signatur på en kontraktforlængelse, så aftalen nu løber frem til sommeren 2024 #fcmlive #sldk https://t.co/2Js4Q5qYQv
— FC Midtjylland (@fcmidtjylland) September 12, 2019
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
