Erlent

Bandaríkjaforseti staðfestir að sonur bin Laden hafi verið drepinn

Sylvía Hall skrifar
Bandaríkjastjórn hafði áður sett eina milljón bandaríkjadala til höfuðs Hamza bin Laden.
Bandaríkjastjórn hafði áður sett eina milljón bandaríkjadala til höfuðs Hamza bin Laden. Utanríkisráðuneyti Bandaríkjanna

Í yfirlýsingu Donald Trump Bandaríkjaforseta kemur fram að Hamza bin Laden, sonur stofnanda Al-Kaída hryðjuverkasamtakanna, sé látinn. Hann er sagður hafa verið drepinn í aðgerðum Bandaríkjanna gegn hryðjuverkasamtökum.

Fyrst var greint frá andláti bin Laden í lok júlímánaðar í ár þar sem haft var eftir þremur embættismönnum að hann væri látinn. Þegar Donald Trump var spurður út í málið á blaðamannafundi í júlí sagðist hann ekki vilja tjá sig um það.

Sjá einnig: Sonur Osama bin Laden talinn af

Bin Laden er sagður hafa verið drepinn í landamærahéruðum Afganistan og Pakistan en ekki hefur verið gefið upp hvenær aðgerðirnar fóru fram né hvenær bin Laden lést. Í yfirlýsingunni segir Trump að aðgerðin hafi orðið til þess að leiðtogahæfni Al-Kaída samtakanna skerðist og á sama tíma missi þau mikilvæg söguleg tengsl við stofnandann sjálfan.

„Hamza bin Laden bar ábyrgð á skipulagningu og samskiptum við hina ýmsu hryðjuverkahópa,“ sagði forsetinn og bætti við að lát bin Laden græfi undan mikilvægum þáttum í starfsemi Al-Kaída. 

Bandaríkjastjórn hafði áður sett eina milljón bandaríkjadala til höfuðs Hamza bin Laden og var hann talinn vera í landamærahéruðum Afganistans og Pakistans. Þá var óttast að hann væri nýr leiðtogi samtakanna. 


Tengdar fréttir

Sonur Osama bin Laden talinn af

Bandarískir fjölmiðlar greina frá því að Hamza bin Laden, sonur hryðjuverkaleiðtogans Osama bin Laden, sé látinn.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.