Salka Sól tók það mjög inn á sig að fá gagnrýni fyrir rappið
„Einu sinni sagði uppistandari á Twitter að rappið mitt væri það versta sem hafði komið fyrir íslenska menningu.“
Svona hefst tíst frá söng- og leikkonunni Sölku Sól Eyfeld frá því í gær. Ástæðan fyrir tístinu er án efa umræðan sem skapaðist um Reykjavíkurdætur í gær en gert er grín á þeirra kostnað í nýju uppistandi Björns Braga og Önnu Svövu.
„Ég man hvað ég tók það inn á mig að fór að missa áhugann á því að rappa. Gerði ekkert rapp þangað til Falafel með Arnari síðasta sumar,“ segir Salka sem rappar með eiginmanni sínum Arnari Frey Frostasyni í laginu Falafel.
„Ég þorði ekki að viðurkenna hvað ég varð í raun sár yfir þessum ummælum og vildi að ég hefði verið sterkari á þessum tíma og bara leitt þetta framhjá mér.“
.
Tengdar fréttir
Reykjavíkurdætur ósáttar við Önnu Svövu: „Ljótt og ömurlegt djók“
Þau Björn Bragi Arnarsson og Anna Svava fóru af stað með uppistandið Björn Bragi Djöfulsson á dögunum og hefur verið vel mætt á sýninguna.
„Orðið ótrúlega langþreytt, fordómafullt og mesta bull sem ég hef heyrt“
„Ég hef ekki séð þetta uppistand en Lestin á Rás1 fjallaði um uppistandið og þar kom þetta fram. Fyrstu viðbrögðin mín voru svona sterk aðallega þar sem hún segir að það sé enga góða kvenrappara að finna á Íslandi.“
