Guttarnir í aðalhlutverki í sigri Arsenal í Frankfurt

Ingvi Þór Sæmundsson skrifar
Saka skorar annað mark Arsenal.
Saka skorar annað mark Arsenal. vísir/getty

Arsenal gerði góða ferð til Þýskalands og vann 0-3 sigur á Eintracht Frankfurt í F-riðli Evrópudeildarinnar í kvöld.

Bæði þessi lið náðu langt í Evrópudeildinni á síðasta tímabili. Arsenal komst alla leið í úrslit, þar sem liðið tapaði fyrir Chelsea, á meðan Frankfurt komst í undanúrslit.

Leikurinn í Frankfurt í kvöld var afar fjörugur og færin fjölmörg.

Joe Willock kom Arsenal yfir á 38. mínútu. Skot hans vinstra megin úr vítateignum fór af varnarmanni Frankfurt, í slána og inn.

Frankfurt var manni færri síðustu ellefu mínúturnar eftir að Dominik Kohr fékk sitt annað gula spjald og þar með rautt.

Skömmu síðar skoraði hinn 18 ára Bukayo Saka annað mark Arsenal með góðu skoti fyrir utan vítateig. Þetta var fyrsta mark hans fyrir Arsenal.

Saka var ekki hættur og tveimur mínútum fyrir leiksloka sendi hann á Pierre-Emerick Aubameyang sem skoraði sitt sjötta mark á tímabilinu. Lokatölur 0-3, Arsenal í vil.

Bein lýsing

Leikirnir




    Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
    Velkomin á Vísi. Þessi vefur notar vafrakökur. Sjá nánar.