„Okkar næsta skref á leiðinni til Englands“
Íslenska kvennalandsliðið í fótbolta á tvo mjög svo ólíka leiki í upphafi október.
Þann 4. október mætir Ísland Frakklandi í vináttulandsleik í Nimes. Fjórum dögum síðar mætir íslenska liðið því lettneska í Liepaja í undankeppni EM 2021.
Ísland er með fullt hús stiga í F-riðli undankeppninnar eftir sigra á Ungverjalandi og Slóvakíu.
„Við förum í báða leikina til að vinna. Ekki spurning,“ sagði Jón Þór um leikina tvo sem framundan eru í Sportpakkanum.
„Ég held að leikirnir verði ekki mikið ólíkari í einu verkefni. En leikurinn í Lettlandi er okkar næsta skref til Englands. Þangað ætlum við okkur,“ sagði Jón Þór en EM 2021 fer fram á Englandi. Ísland hefur komist á þrjú Evrópumót í röð.
Fréttina í heild sinni má sjá í spilaranum hér fyrir ofan.
Tengdar fréttir
Sandra María og Rakel koma aftur inn í hópinn
Jón Þór Hauksson, þjálfari kvennalandsliðsins, valdi í dag 23 manna leikmannahóp fyrir næstu verkefni liðsins sem eru útileikir gegn Frökkum og Lettum.
Jón Þór: Ánægður að fá Söndru og Rakel aftur inn
Jón Þór Hauksson, þjálfari kvennalandsliðsins, tilkynnti í dag leikmannahóp sinn fyrir næstu verkefni en tveir reynsluboltar snúa aftur inn í hópinn.
