Erlent

Átta létust og 60 slösuðust í skjálftunum á Filippseyjum

Jóhann K. Jóhannsson og Margrét Helga Erlingsdóttir skrifa
Mannskæð skjálftahrina reið yfir Filippseyjar í nótt.
Mannskæð skjálftahrina reið yfir Filippseyjar í nótt. Vísir/ap

Að minnsta kosti átta létust þegar þrír öflugir jarðskjálftar riðu yfir á Filipseyjum í gærkvöldi og í nótt.

Skjálftarnir voru af stærðinni fimm komma fjórir, fimm komma níu og fimm komma sjö. Og reið sá fyrsti yfir laust eftir klukkan átta í gærkvöldi.

Upptök skjálftanna voru á um tíu kílómetra dýpi norður af Luzon-eyju nærri Batanes-eyjaklasanum, mitt á milli Filipseyja og Taívan.

Skjálftahrinan olli gríðarlegum skemmdum. Vísir/ap

Á eyjaklasanum hrundu hús og að sögn AFP fréttaveitunnar eru miklar skemmdir.

„Rúmið okkar og allt í húsinu sveigðist til og frá líkt og í hengirólu,“ segir Roldan Esdicul, náttúruvarsérfræðingur í héraðinu um mannskæða sjálftahrinuna.

Eldgos og jarðhræringar Filippseyjar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


Mest lesið