Viðskipti innlent

Tekjur Örnu jukust um fjórðung

Kristinn Ingi Jónsson skrifar
Tekjur Örnu hafa vaxið hratt frá því að framleiðsla hófst 2013. Þær voru 1.052 milljónir í fyrra og jukust um fjórðung á milli ára. Fréttablaðið/Ernir
Tekjur Örnu hafa vaxið hratt frá því að framleiðsla hófst 2013. Þær voru 1.052 milljónir í fyrra og jukust um fjórðung á milli ára. Fréttablaðið/Ernir

Mjólkurvinnslan Arna í Bolungarvík hagnaðist um liðlega sjö milljónir króna á síðasta ári, samkvæmt nýlegum ársreikningi félagsins, borið saman við fimmtán milljóna króna hagnað árið 2017.

Rekstrartekjur Örnu, sem sérhæfir sig í framleiðslu á laktósafríum mjólkurvörum, námu rúmum 1.052 milljónum króna á síðasta ári og jukust um 23 prósent frá fyrra ári þegar þær voru alls 858 milljónir króna en þær hafa vaxið ört frá því að framleiðsla hófst á haustdögum 2013.. EBITDA mjólkurvinnslunnar – afkoma fyrir afskriftir, fjármagnsliði og skatta – var jákvæð um 51 milljón króna í fyrra en til samanburðar var hún jákvæð um 53 milljónir króna árið 2017.

Arna átti eignir upp á tæplega 409 milljónir króna í lok síðasta árs en á sama tíma var eigið fé félagsins 116 milljónir króna og eiginfjárhlutfallið því um 28 prósent. Ársverk mjólkurvinnslunnar voru 21 talsins í fyrra, borið saman við 18 árið áður, og námu laun og annar starfsmannakostnaður hennar samanlagt 169 milljónum króna.

Dvorzak Ísland, sem er í eigu fjárfestisins Jóns von Tetzchner, er stærsti hluthafi Örnu með ríflega helmingshlut en stofnandinn og framkvæmdastjórinn Hálfdán Óskarsson er sá næststærsti með fimmtán prósenta hlut.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
EIK
2,75
23
450.310
REGINN
2,19
14
342.698
ICEAIR
2,1
26
150.345
HAGA
2,02
5
64.712
SKEL
1,62
5
101.370

Mesta lækkun dagsins


Félag
Br.%
Fjöldi
Velta*
BRIM
-0,83
5
1.252.011
ARION
-0,66
11
179.834
KVIKA
-0,48
2
4.035
Velkomin á Vísi. Þessi vefur notar vafrakökur. Sjá nánar.