Í fyrsta sinn sem Tiger og Mickelson missa báðir af niðurskurðinum á sama risamóti
Bandaríkjamennirnir Tiger Woods og Phil Mickelson verða ekki með um helgina á Opna breska meistaramótinu í golfi.
Þeim mistókst að komast í gegnum niðurskurðinn. Þetta er 83. risamótið sem þeir taka þátt í saman og það fyrsta þar sem hvorugur þeirra kemst í gegnum niðurskurðinn.
A record that illustrates @tigerwoods and @philmickelson's incredible consistency #TheOpen pic.twitter.com/2kbQmjkDKK
— The Open (@TheOpen) July 19, 2019
Bæði Woods og Michelson voru í erfiðri stöðu eftir fyrsta hringinn. Woods lék hann á sjö höggum yfir pari og Mickelson á fimm höggum yfir pari.
Woods náði sér betur á strik í gær og lék á einu höggi undir pari. Það dugði skammt því niðurskurðinn miðaðist við eitt högg yfir pari.
Mickelson lék á þremur höggum yfir pari í gær og lauk leik á samtals átta höggum yfir pari.
Woods hefur þrisvar sinnum unnið Opna breska (2000, 2005 og 2006) og Mickelson einu sinni (2013).
Tengdar fréttir
Tiger úr leik á Opna breska
Tiger Woods er úr leik á Opna breska risamótinu í golfi. Hann náði sér alls ekki á strik á Royal Portrush vellinum í Norður-Írlandi.
Holmes og Lowry efstir og jafnir | Endurkoma McIlroy dugði ekki til
Öðrum keppnisdegi á Opna breska meistaramótinu í golfi er lokið.
Holmes með forystu eftir fyrsta hringinn á Opna breska
Fjölmargir þekktir kylfingar lentu í vandræðum á fyrsta hring Opna breska meistaramótsins í golfi.
