Sigurmark frá Dembele og Frakkar skrefi nær undanúrslitunum

Franska U21-árs landsliðið vann 1-0 sigur á Króatíu í kvöld er liðin mættust í C-riðli EM U21. Leikið var í San Marinó í kvöld.

Leikurinn var ekki mikið fyrir augað og var oft á tíðum hægum og fyrirsjáanlegur. Fyrsta og eina mark leiksins skoraði framherji Lyon á áttundu mínútu, Moussa Dembele.

Króatar, sem fengu skell gegn Rúmeníu í fyrsta leiknum 4-2, voru nálægt því að jafna metin í síðari hálfleik en þeirra hættulegasta skot fór í stöngina. Lokatölur 1-0.

Frakkar eru því komnir með sex stig en Króatar eru úr leik. Frakkland mætir Rúmeníu í síðustu umferð C-riðilsins. Þau eru bæði með sex stig en efsta lið hvers riðils fer í undanúrslit.

Þó fer einnig liðið með besta árangurinn í öðru sætinu í einum riðlinum áfram svo það er möguleiki á að liðin fari bæði áfram geri þau jafntefli í síðustu umferðinni á mánudaginn.