Már fæddist með ólæknandi augnsjúkdóm en lætur ekkert stöðva sig Stefán Árni Pálsson skrifar 29. maí 2019 10:30 Már er magnaður tónlistarmaður og einnig landsliðsmaður í sundi. Már Gunnarson er nítján ára gamall og búsettur í Keflavík. Már fæddist með ólæknandi hrörnunarsjúkdóm í augnabotnum og þegar hann fæddist var sjónin í kringum 10% en er nú farin niður í hálft prósent eða nánast ekki neitt. Már hefur yfirstigið fjölda hindrana í lífinu og hefur heldur betur náð að fylgja sínum draumum og markmiðum þrátt fyrir ungan aldur. Már hefur vakið mikla eftirtekt fyrir lagasmíðar og hljóðfæraleik sem og hefur hann náð frábærum árangri í sundi, hann er landsliði fatlaðra og stefnir á Ólympíuleika fatlaðra í sundi í Tókýó árið 2020. Eva Laufey Kjaran hitti Má í Íslandi í dag á Stöð 2 í gærkvöldi og byrjaði að ræða tónlistina og hvernig það ævintýri hófst. Þegar Már flutti til Lúxemborgar ásamt fjölskyldu sinni þegar hann var sex ára gamall til þess að fá viðeigandi kennslu í námi og bauðst meðal annars að læra á píanó í klassísku námi hjá rússneskum meistara.Hefur skánað en mætti vera betra „Það var þannig að þegar ég var í grunnskóla 2006 var enginn aðstoð til fyrir blinda. Enginn tæknibúnaður og enginn þekking. Þetta hefur skánað á undanförnum árum en að mínu mati ekki alveg nægilega gott,“ segir Már og bætir við að það hafi verið ástæðan fyrir því að fjölskyldan flutti til Lúxemborgar þar sem hann fékk alla þá aðstoð sem hann þurfti. „Eftir að ég kom heim fór ég að æfa sund í Keflavíkinni og er kominn á þann stað núna að ég er í landsliði fatlaðra og er að stefna að því að komast á Ólympíuleika fatlaðra í Tókýó á næsta ári. Ég er með sambönd í Búlgaríu þar sem ég fer stundum og æfi með búlgarska landsliðinu.“ Hann fór að æfa á klassískt píanó þegar hann var sex ára í Lúxemborg. „Eftir að ég kom heim fór ég að semja mína eigin tónlist og hef verið í námi í tónlistarskóla Reykjanesbæjar hjá Þóri Baldurssyni og söng hjá Sigrúnu Waage og í fyrra fór ég til Póllands til að taka upp mína fyrstu plötu sem heitir Söngur fuglsins. Þetta eru fjórtán lög sem eru öll eftir mig en flestir textarnir eru eftir Tómas Eyjólfsson. Það sem er pínu skemmtilegt við þessa plötu er að hún er mjög fjölbreytt. Það er popp, rapp, latínó, kántrí og instrumental músík og það eru líka mismunandi söngvarar sem koma að þessu,“ segir Már og nefnir til sögunnar marga frábæra tónlistarmenn.„Ég var með útgáfutónleika fyrir tveimur vikum í Stapanum þar sem þrjú hundruð manns mættu og ég flutti inn pólska hljómsveit, strákar sem spiluðu með mér úti á plötunni. Þetta var alveg rosalega skemmtilegt og þvílík mæting og stemning. Þetta var eitt það skemmtilegasta sem ég hef gert.“Sjá einnig: Það þarf fólk eins og Má Það er óhætt að segja Már sé afar fjölhæfur og kraftmikill ungur maður sem lætur ekkert stoppa sig þrátt fyrir að vera með ólæknandi augnsjúkdóm sem margir gætu ímyndað sér að gæti aftrað honum í því að ná markmiðum sínum. „Blindan ætti í raun ekki að gera það og með góðu hugafari og áhugamálum ætti hún ekki að aftra en auðvitað eru hlutir sem eru erfiðari að framkvæma eins og ég er ekki besti kokkur í heimi og mikið af svona litlum smáatriðum er erfitt að framkvæma. Ég er búinn að lenda smá í vandræðum með rafmagnsbíla þegar ég er að fara yfir götur en annars er ég með flottan síma sem ég geri allt með og sendi tölvupósta og er á samskiptamiðlum og get gert allt sem ég þarf að gera. Blindan á ekkert að trufla neitt, ekki í dag.“Frá útgáfutónleikunum í Stapa.Hefði ekki orðið vinsæll flugmaður Ungur Már ætlaði sér að verða flugmaður þegar hann væri orðinn stór. „Það var svona þangað til að ég áttaði mig á því hvað það væri að vera blindur. Þá langaði mig að verða flugmaður en áttaði mig síðan seinna á því að ég yrði ekki sá vinsælasti í því starfi. Ég ætlaði síðan að verða lögfræðingur en málin er að pabbi er flugmaður og afi er lögfræðingur. Svo fyrst ætlaði ég að verða eins og pabbi og síðan eins og afi. Síðan ákvað ég bara að verða músíkant, listamaður eins og mamma.“ Eva fékk sér sæti við píanóið heima hjá Má í Keflavík þar sem tónlistin hans verður til og fékk að fylgjast með því hvernig tónlist hans verður til. Hér að neðan má sjá innslagið í heild sinni. Már stendur fyrir tónleikum í Hannesarholti í kvöld og má kynna sér viðburðinn hér. Ísland í dag Menning Mest lesið Veltir fyrir sér hvort hann sé dottinn úr tísku Lífið Krabbameinið sem týndist: „Fyrst sagði ég bara fokk!“ Áskorun Páll Óskar genginn í það heilaga: „Besti dagur lífs okkar“ Lífið Bein útsending: Veglegir vinningar í páskabingói Blökastsins Lífið Kastast í kekki milli Carragher og kærastans Lífið Svar við spurningu lesanda: Hvað má fróa sér oft í viku? Lífið Líkt við apa og klappað eins og hundi Lífið Bein útsending: Heimir Guðjóns og Höddi Magg í einvígi aldarinnar Lífið Kappakstur milli Hjálmars og Magneu Lífið Tískan sýndi trúnaðarbrest í hruninu Lífið Fleiri fréttir Hjólhýsabyggðin á Laugarvatni og Húsið á Eyrarbakka „Þetta var svolítið biblíuleg mynd“ Bein útsending: Heimir Guðjóns og Höddi Magg í einvígi aldarinnar Kappakstur milli Hjálmars og Magneu Tískan sýndi trúnaðarbrest í hruninu Páll Óskar genginn í það heilaga: „Besti dagur lífs okkar“ Kastast í kekki milli Carragher og kærastans Veltir fyrir sér hvort hann sé dottinn úr tísku Óhefðbundinn páskamatseðill að hætti Sigurðar Laufdal á OTO Knattspyrnufólk og bransastjörnur fjölmenntu í bíó Líkt við apa og klappað eins og hundi Barnalán hjá Batman Svar við spurningu lesanda: Hvað má fróa sér oft í viku? „Ég get ekki gert upp á milli barna“ Þingforseti, borgarfulltrúi og Frikki Dór í fjölmennu útgáfuhófi Handboltagoðsögn selur glæsihús í Garðabæ Bein útsending: Veglegir vinningar í páskabingói Blökastsins Ætlaði sér alltaf að verða leikari Júlí Heiðar og Þórdís eiga von á stelpu: „Djöfull var ég tekin“ Sacha Baron Cohen æfareiður út í Rebel Wilson Chess After Dark strákarnir boða til einvígis aldarinnar Arnar Grant og Vítalía á kaffihúsi og RÚV þrenna í miðborginni Fjandinn laus þegar málshættina vantar Palli snöggreiddist þegar hann var sakaður um að hafa verið tjokkó Undurfagrar páskaskreytingar Keypti íbúðina af huggulegustu hommum landsins Myndaveisla: Bjarni Ben skálaði fyrir einstökum Audi Eyþór stillti Eivøru upp við vegg og lét hana flytja lagið Running Up That Hill „Harry Klein“ er látinn Stjörnulífið: Hlustendaverðlaunin, ferðalög og afmælisgleði Sjá meira
Már Gunnarson er nítján ára gamall og búsettur í Keflavík. Már fæddist með ólæknandi hrörnunarsjúkdóm í augnabotnum og þegar hann fæddist var sjónin í kringum 10% en er nú farin niður í hálft prósent eða nánast ekki neitt. Már hefur yfirstigið fjölda hindrana í lífinu og hefur heldur betur náð að fylgja sínum draumum og markmiðum þrátt fyrir ungan aldur. Már hefur vakið mikla eftirtekt fyrir lagasmíðar og hljóðfæraleik sem og hefur hann náð frábærum árangri í sundi, hann er landsliði fatlaðra og stefnir á Ólympíuleika fatlaðra í sundi í Tókýó árið 2020. Eva Laufey Kjaran hitti Má í Íslandi í dag á Stöð 2 í gærkvöldi og byrjaði að ræða tónlistina og hvernig það ævintýri hófst. Þegar Már flutti til Lúxemborgar ásamt fjölskyldu sinni þegar hann var sex ára gamall til þess að fá viðeigandi kennslu í námi og bauðst meðal annars að læra á píanó í klassísku námi hjá rússneskum meistara.Hefur skánað en mætti vera betra „Það var þannig að þegar ég var í grunnskóla 2006 var enginn aðstoð til fyrir blinda. Enginn tæknibúnaður og enginn þekking. Þetta hefur skánað á undanförnum árum en að mínu mati ekki alveg nægilega gott,“ segir Már og bætir við að það hafi verið ástæðan fyrir því að fjölskyldan flutti til Lúxemborgar þar sem hann fékk alla þá aðstoð sem hann þurfti. „Eftir að ég kom heim fór ég að æfa sund í Keflavíkinni og er kominn á þann stað núna að ég er í landsliði fatlaðra og er að stefna að því að komast á Ólympíuleika fatlaðra í Tókýó á næsta ári. Ég er með sambönd í Búlgaríu þar sem ég fer stundum og æfi með búlgarska landsliðinu.“ Hann fór að æfa á klassískt píanó þegar hann var sex ára í Lúxemborg. „Eftir að ég kom heim fór ég að semja mína eigin tónlist og hef verið í námi í tónlistarskóla Reykjanesbæjar hjá Þóri Baldurssyni og söng hjá Sigrúnu Waage og í fyrra fór ég til Póllands til að taka upp mína fyrstu plötu sem heitir Söngur fuglsins. Þetta eru fjórtán lög sem eru öll eftir mig en flestir textarnir eru eftir Tómas Eyjólfsson. Það sem er pínu skemmtilegt við þessa plötu er að hún er mjög fjölbreytt. Það er popp, rapp, latínó, kántrí og instrumental músík og það eru líka mismunandi söngvarar sem koma að þessu,“ segir Már og nefnir til sögunnar marga frábæra tónlistarmenn.„Ég var með útgáfutónleika fyrir tveimur vikum í Stapanum þar sem þrjú hundruð manns mættu og ég flutti inn pólska hljómsveit, strákar sem spiluðu með mér úti á plötunni. Þetta var alveg rosalega skemmtilegt og þvílík mæting og stemning. Þetta var eitt það skemmtilegasta sem ég hef gert.“Sjá einnig: Það þarf fólk eins og Má Það er óhætt að segja Már sé afar fjölhæfur og kraftmikill ungur maður sem lætur ekkert stoppa sig þrátt fyrir að vera með ólæknandi augnsjúkdóm sem margir gætu ímyndað sér að gæti aftrað honum í því að ná markmiðum sínum. „Blindan ætti í raun ekki að gera það og með góðu hugafari og áhugamálum ætti hún ekki að aftra en auðvitað eru hlutir sem eru erfiðari að framkvæma eins og ég er ekki besti kokkur í heimi og mikið af svona litlum smáatriðum er erfitt að framkvæma. Ég er búinn að lenda smá í vandræðum með rafmagnsbíla þegar ég er að fara yfir götur en annars er ég með flottan síma sem ég geri allt með og sendi tölvupósta og er á samskiptamiðlum og get gert allt sem ég þarf að gera. Blindan á ekkert að trufla neitt, ekki í dag.“Frá útgáfutónleikunum í Stapa.Hefði ekki orðið vinsæll flugmaður Ungur Már ætlaði sér að verða flugmaður þegar hann væri orðinn stór. „Það var svona þangað til að ég áttaði mig á því hvað það væri að vera blindur. Þá langaði mig að verða flugmaður en áttaði mig síðan seinna á því að ég yrði ekki sá vinsælasti í því starfi. Ég ætlaði síðan að verða lögfræðingur en málin er að pabbi er flugmaður og afi er lögfræðingur. Svo fyrst ætlaði ég að verða eins og pabbi og síðan eins og afi. Síðan ákvað ég bara að verða músíkant, listamaður eins og mamma.“ Eva fékk sér sæti við píanóið heima hjá Má í Keflavík þar sem tónlistin hans verður til og fékk að fylgjast með því hvernig tónlist hans verður til. Hér að neðan má sjá innslagið í heild sinni. Már stendur fyrir tónleikum í Hannesarholti í kvöld og má kynna sér viðburðinn hér.
Ísland í dag Menning Mest lesið Veltir fyrir sér hvort hann sé dottinn úr tísku Lífið Krabbameinið sem týndist: „Fyrst sagði ég bara fokk!“ Áskorun Páll Óskar genginn í það heilaga: „Besti dagur lífs okkar“ Lífið Bein útsending: Veglegir vinningar í páskabingói Blökastsins Lífið Kastast í kekki milli Carragher og kærastans Lífið Svar við spurningu lesanda: Hvað má fróa sér oft í viku? Lífið Líkt við apa og klappað eins og hundi Lífið Bein útsending: Heimir Guðjóns og Höddi Magg í einvígi aldarinnar Lífið Kappakstur milli Hjálmars og Magneu Lífið Tískan sýndi trúnaðarbrest í hruninu Lífið Fleiri fréttir Hjólhýsabyggðin á Laugarvatni og Húsið á Eyrarbakka „Þetta var svolítið biblíuleg mynd“ Bein útsending: Heimir Guðjóns og Höddi Magg í einvígi aldarinnar Kappakstur milli Hjálmars og Magneu Tískan sýndi trúnaðarbrest í hruninu Páll Óskar genginn í það heilaga: „Besti dagur lífs okkar“ Kastast í kekki milli Carragher og kærastans Veltir fyrir sér hvort hann sé dottinn úr tísku Óhefðbundinn páskamatseðill að hætti Sigurðar Laufdal á OTO Knattspyrnufólk og bransastjörnur fjölmenntu í bíó Líkt við apa og klappað eins og hundi Barnalán hjá Batman Svar við spurningu lesanda: Hvað má fróa sér oft í viku? „Ég get ekki gert upp á milli barna“ Þingforseti, borgarfulltrúi og Frikki Dór í fjölmennu útgáfuhófi Handboltagoðsögn selur glæsihús í Garðabæ Bein útsending: Veglegir vinningar í páskabingói Blökastsins Ætlaði sér alltaf að verða leikari Júlí Heiðar og Þórdís eiga von á stelpu: „Djöfull var ég tekin“ Sacha Baron Cohen æfareiður út í Rebel Wilson Chess After Dark strákarnir boða til einvígis aldarinnar Arnar Grant og Vítalía á kaffihúsi og RÚV þrenna í miðborginni Fjandinn laus þegar málshættina vantar Palli snöggreiddist þegar hann var sakaður um að hafa verið tjokkó Undurfagrar páskaskreytingar Keypti íbúðina af huggulegustu hommum landsins Myndaveisla: Bjarni Ben skálaði fyrir einstökum Audi Eyþór stillti Eivøru upp við vegg og lét hana flytja lagið Running Up That Hill „Harry Klein“ er látinn Stjörnulífið: Hlustendaverðlaunin, ferðalög og afmælisgleði Sjá meira