Innlent

Guðmundar- og Geirfinnsmálið: Finnst bæturnar ekki nógu háar

Hallgerður Kolbrún E Jónsdóttir skrifar
Sakborningar í Guðmundar- og Geirfinnsmálinu sem sýknaðir voru af öllum ákærum af Hæstarétti í september á síðasta ári.
Sakborningar í Guðmundar- og Geirfinnsmálinu sem sýknaðir voru af öllum ákærum af Hæstarétti í september á síðasta ári. Vísir
Sakborningar í Guðmundar- og Geirfinnsmálinu voru sýknaðir af ákæru um morð af hæstarétti í september í fyrra og bað forsætisráðherra þau í framhaldinu afsökunar. Skipaður var starfshópur til að leiða viðræður og sáttaumleitanir aðila málsins og aðstandendur þeirra. Frá þessu var greint í kvöldfréttum Ríkisútvarpsins.



Nú, sjö mánuðum síðar hafa sakborningar enn ekki fengið formlegt tilboð um bótagreiðslur.



Ragnar Aðalsteinsson, lögmaður Guðjóns Skarphéðinssonar, sagði upphæðina sem sáttanefnd hefði á milli handanna alls ekki í samræmi við dómafordæmi Hæstaréttar í þessu sama máli en árið 1983 var fjórum öðrum sakborningum í málinu dæmdar 56 milljónir króna á núvirði fyrir óréttmætt gæsluvarðhald, en sum þeirra sátu saklaus í gæsluvarðhaldi í allt að 105 daga og samsvarar upphæðin því að fyrir hvern dag hafi þau fengið 535 þúsund krónur greiddar.



Miðað við þetta fordæmi Hæstaréttar ættu skaðabætur fyrir tveggja ára setu í einangrun að vera 390 milljónir króna. Ragnar sagði í samtali við Ríkisútvarpið að „út úr hinum óformlegu viðræðum [má lesa] að ríkisstjórnin hafi sett sér ramma eða þak og sagt við sína talsmenn „þið farið ekki upp fyrir tilteknar fjárhæðir“ og þessar fjárhæðir virðast upphaflega hafa verið 400 milljónir en síðar 600 milljónir.“



Ragnar gagnrýnir takmarkað umboð sem sáttanefnd virðist hafa til að semja um bótagreiðslur og segir þær skipta miklu máli, „háar bótagreiðslur hafa áhrif í ýmsar áttir, það er hluti af fyrirgefningunni, það er líka aðhaldið að lögregluyfirvöldum og dómstólum í framtíðinni að gæta sín betur en þeir hafa gert í þessu máli og í þeirri von að svona endurtaki sig ekki aftur á næstu árum og áratugum.“



Enn hafa formlegar viðræður ríkislögmanns við fulltrúa hinna sýknuðu ekki hafist.


Tengdar fréttir

Þyrfti fjárveitingu til að rannsaka Geirfinnsmál

Settur saksóknari vekur athygli ríkissaksóknara á ábendingum um afdrif Guðmundar og Geirfinns. Lögreglan á höfuðborgarsvæðinu liggur undir feldi. Lögreglan á Suðurnesjum segir allar ábendingar vel þegnar.

Ennþá vanhæf í máli Geirfinns og Guðmundar

Ríkissaksóknari hefur lýst sig vanhæfa til að taka afstöðu til nýrra ábendinga í Guðmundar- og Geirfinnsmálum. Ráðuneytið hefur ekki aðhafst en hefur málið til meðferðar. Nýjar ábendingar bárust yfirvöldum um mannshvörfin árin 2015 og 2016.

Ómögulegt að segja til um bótafjárhæð

Ekkert fordæmi er til um mál áþekkt Guðmundar- og Geirfinnsmálunum. Fimm manns voru sýknaðir af þætti sínum í hvarfi eftir að hafa hlotið dóm fyrir brotið fyrir 38 árum. Mögulega er heppilegra að greiða sanngirnisbætur í stað bóta.

Gætu krafið ríkið um fleiri milljarða í bætur

Engin leið er að vita hvernig dæmt yrði um bætur í Guðmundar- og Geirfinnsmálum færu þau fyrir dóm. Málin eru fordæmalaus. Ef byggt yrði á bótum til Klúbbmanna gæti heildarfjárhæðin numið nokkrum milljörðum króna.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.