Handbolti

Daníel Þór búinn að semja við Ribe-Esbjerg

Ástrós Ýr Eggertsdóttir skrifar
Daníel Þór Ingason
Daníel Þór Ingason vísir/bára

Hetja Hauka frá því í gær, Daníel Þór Ingason, er á förum frá félaginu því hann hefur samið við danska úrvalsdeildarliðið Ribe-Esbjerg.

Daníel Þór skoraði sigurmark Hauka gegn Selfossi á lokasekúndum leiks tvö í úrslitaeinvíginu í Hleðsluhöllinni í gær. Þar með er staðan jöfn 1-1 í einvíginu.

Daníel er 23 ára og uppalinn Haukamaður en hann er búinn að skrifa undir þriggja ára samning við danska liðið eftir því sem fram kemur á heimasíðu Ribe-Esbjerg.

„Eftir að hafa spilað í bestu deild á Íslandi í nokkur ár finnst mér kominn tími á nýjar áskoranir,“ er haft eftir Daníel á heimasíðu danska félagsins.

„Ribe-Esbjerg sýndi mikinn áhuga og bauð mér í heimsókn. Eftir hana var ég fullviss um að þetta væri rétta skrefið á mínum ferli.“

Hjá Ribe-Esbjerg spila þeir Rúnar Kárason og Gunnar Steinn Jónsson.

Leikur þrjú í einvígi Hauka og Selfyssinga um Íslandsmeistaratitilinn er í Schenkerhöllinni á morgun, sunnudag.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.