Atli Ævar missir af fyrsta leiknum gegn Val
Atli Ævar Ingólfsson, línumaður Selfoss, hefur verið úrskurðaður í eins leiks bann vegna rauða spjaldsins sem hann fékk í sigrinum á ÍR, 28-29, í seinni leik liðanna í 8-liða úrslitum Olís-deildar karla í gær.
Atli Ævar missir því af fyrsta leik Selfoss og Vals í undanúrslitum Olís-deildarinnar. Leikurinn fer fram í Hleðsluhöllinni á Selfossi.
Þegar 16 mínútur voru liðnar af leik Selfoss og ÍR í gær fékk Atli Ævar beint rautt spjald fyrir að slá til Bergvins Þór Gíslasonar. Hann var þá búinn að skora tvö mörk.
Selfyssingar unnu báða leikina gegn ÍR-ingum með eins marks mun. Þeir eru því komnir í undanúrslit annað árið í röð.
Atli Ævar, sem er þrítugur, er nýbúinn að framlengja samning sinn við Selfoss um tvö ár. Hann er á sínu öðru tímabili hjá liðinu.
Tengdar fréttir
Bjarni: Gat ekki verið sárara og tæpara
Þjálfari ÍR var gríðarlega svekktur í leikslok.
Haukur: Hugsa ég taki eitt tímabil hér heima í viðbót
Haukur Þrastarson reiknar með að spila í Olís-deildinni á næstu leiktíð.
Umfjöllun og viðtöl: ÍR - Selfoss 28-29 │ Lygilegar lokasekúndur í Breiðholtinu
Selfoss er komið í undanúrslitin.
Ekkert fararsnið á Atla Ævari
Einn besti línumaður Olís-deildar karla verður áfram í herbúðum Selfoss.
