Arnór skoraði í sigri Íslendinganna

Arnór Sigurðsson skoraði annað mark CSKA Moskvu er liðið vann 2-0 sigur á Anzhi Makhachkala í rússnesku úrvalsdeildinni í knattspyrnu.

CSKA komst yfir með marki Jaka Bijol á þrettándu mínútu og Arnór tvöfaldaði forystuna á 55. mínútu. Fjórða mark hans í deildinni og lokatölur 2-0 sigur CSKA.

#CSKA XI for #Anji: Akinfeev, Fernandes, Vasin, @HordurM34, Nababkin, Bijol, Vlasic, Oblyakov, @akhmetov77i, @arnorsigurdsson, Chalov pic.twitter.com/OWIsd4Z0BL

— PFC CSKA Moscow (@PFCCSKA_en) April 24, 2019

Arnór spilaði fyrstu 69 mínútur leiksins en Hörður Björgvin Magnússon spilaði allan leikinn í vörn liðsins sem er í þriðja sæti deildarinnar.

Jón Guðni Fjóluson var ónotaður varamaður er Krasnodar gerði 1-1 jafntefli við Republican FC Akhmat Grozny á útivelli. Krasnodar er í fjórða sætinu, stigi á eftir CSKA.

Rostov tapaði 2-1 gegn Lokomotiv Moskvu. Ragnar Sigurðsson spilaði allan leikinn í vörninni en Björn Bergmann Sigurðarson spilaði síðustu átta mínúturnar. Rostov er í sjöunda sæti deildarinnar.