Andrea skoraði fjögur

Andrea Jacobsen og stöllur í Kristianstad töpuðu fyrir Lugi á heimavelli sínum í sænsku úrvalsdeildinni í handbolta í kvöld.

Andrea skoraði fjögur mörk í 25-27 tapinu.

Kristianstad er í 11. og næst neðsta sæti sænsku úrvalsdeildarinnar, jafnt að stigum og Boden í botnsætinu.

Boden tapaði einnig í kvöld, 30-22, gegn Skara á útivelli. Hafdís Renötudóttir varði þrjú skot í marki Boden.

Neðsta lið deildarinnar fellur beint í B-deildina en liðin þrjú þar fyrir ofan fara í umspil.