Mikilvægur sigur hjá Degi

Dagur Kár Jónsson og félagar í austurríska liðinu Flyers Wels unnu mikilvægan sigur á Traiskirchen Lions í austurrísku úrvalsdeildinni í kvöld.

Dagur skilaði 24 mínútum af bekknum og skoraði í þeim fimm stig í 81-72 sigrinum.

Þetta var ellefti sigur Wels í úrvalsdeildinni í vetur og er liðið nú jafnt Traiskirchen og BC Vienna að stigum í baráttunni um sæti í úrslitakeppninni.

Á Spáni unnu Hildur Björg Kjartansdóttir og stöllur hennar í Celta sinn átjánda sigur og eru enn ósigraðar.

Hildur Björg skilaði 8 stigum og 6 fráköstum í 67-54 sigri á Barcelona.