Sjáðu fimm ný heimsmet hjá Harlem Globetrotters

Körfuboltaliðið Harlem Globetrotters er enn á fullri ferð og enn að setja óvenjuleg heimsmet.

Fimm ný heimsmet bættust í hópinn hjá liðinu á dögunum og eitt þeirra setti hin skemmtilega Torch George.

Magnaðasta heimsmetið var þó án efa ótrúlegt miðjuskot frá Bull Bullard.

Slam dunk, Harlem Globetrotters:@Globies set 5 Guinness World Records, including the 1st by a female player #GWR2018pic.twitter.com/ESdDxKGm7Q

— TicToc by Bloomberg (@tictoc) February 5, 2019

Bull Bullard skaut þá aftur fyrir sig af tæplega 18 metra færi og um leið og hann fór í heljarstökk. Erfiðleikagráðan á þessu skoti er upp fyrir öll mörk.

Hin heimsmetin voru meðal annars flestar blindandi troðslur á mínútu, flestar troðslur hjá einu liði á mínútu eftir að hafa farið með boltann í gegnum klofið og flestar knattraksveltur hjá konu á mínútu.

Harlem Globetrotters liðið á nú 21 gildandi heimsmet hjá Heimsmetabók Guinness.