Gera grín að peningakossum Öldu Karenar
Fyrirlesarinn Alda Karen Hjaltalín heldur úti nokkuð virkri Facebook og Instagram síðu þar sem hún meðal annars sýnir fylgjendum sínum ákveðna lífslykla eins og hún kallar það sjálf. Þar talar hún reglulega við fylgjendur sína og hefur eitt atvik vakið sérstaka athygli síðustu daga.
Þá hvatti Alda Karen fylgjendur sína til að kyssa peninga ítrekað og þá myndu peningarnir koma til þeirra.
Alda heldur fyrirlestur í Laugardalshöll þann 18. janúar sem gengur undir nafninu LIFE Masterclass: Into Your Mind.
Þar svarar Alda öllum þeim spurningum um lífið og heilann sem hún hefur fengið svör við í gegnum tíðina ásamt því að tala við Guðna Gunnarsson lífsráðgjafa og Sigríði A. Pálmarsdóttir hjúkrunarfræðing og dáleiðara um sjálfsdáleiðslu og mátt athyglinnar.
Alda fer yfir ýmis málefni sem varða sjálfsvinnu og að ná hröðum árangri. 12.900 krónur kostar á fyrirlesturinn. En varðandi kossana, þá hefur Twitter-samfélagið farið á flug í kjölfarið og er töluvert verið að gera sér mat úr uppátæki Öldu eins og sjá má hér að neðan.
Er fólk loksins að sjá snákaolíuna sem Alda Karen er að reyna að selja því? https://t.co/cIcNhyQNf6
— Brynhildur Bollad. (@brynhildurbolla) January 11, 2019
*ÉG allur eldrauður, lafmóður og með óteljandi frunsur um allt andlit*
Uhh, hérna verið velkomin á LIFE masterclass hérna í hörpunni, elska ekki allir hérna monní?
— Hafþór Óli (@HaffiO) January 11, 2019
Þessi færsla var kostuð af Samtökum njálga á Íslandi. https://t.co/VhHoWvGeP5
— Brynjólfur (@bvitaminid) January 11, 2019
Eg kyssti pening í dag. ég kyssti klink. fullt af tìköllum og hundraðköllum. Ég fór síðan beint í Hagkaup og keypti skafmiða. Viti men ég vann tvö hundruð krónur og fór beint heim að kyssa meira klink þakka þèr fyrir Alda Karen .
— Sigurður Bjartmar (@bjartm) January 11, 2019
Fyrir hönd kapítalista þá talar Alda Karen ekki fyrir okkur.
— stófi (@KristoferAlex) January 10, 2019
ÞRÁÐUR
Disclaimer: Ég og Alda Karen erum gamlar vinkonur og ég er ekki sammála öllu sem hún segir, ekkert frekar en öðrum vinum mínum.
Hér er það sem ég skil ekki - af hverju eru svona ótrúlega margir hérna tilbúnir að rífa hana í sig, rakka hana niður og drulla yfir hana?
— Silja Björk (@siljabjorkk) January 11, 2019
Tengdar fréttir
Alda Karen greinir persónuleika Bjarna Ben, Sigmundar, Trump og allra í Friends
Fyrirlesarinn Alda Karen Hjaltalín heldur úti nokkuð virkri Facebook-síðu þar sem hún meðal annars sýnir fylgjendum sínum ákveðna lífslykla eins og hún kallar það sjálf.
Alda Karen opnar líkamsræktarstöðvar fyrir heilann
Fyrirlesarinn Alda Karen Hjaltalín stefnir á að opna fimm heilalíkamsræktarstöðvar í Bandaríkjunum á þessu ári og mögulega aðra á Íslandi á því næsta.
Hjálpar fólki að verða besta útgáfan af sjálfum sér og að láta draumana rætast
Alda Karen Hjaltalín heldur áhugavert námskeið í Eldborgarsal Hörpu á morgun.
