„Mikill heiður að fá að vera brautryðjandi“ Andri Eysteinsson skrifar 17. júní 2019 23:03 Aldís Amah Hamilton, Fjallkonan 2019. Aldís Amah Hamilton er 28 ára leikkona sem útskrifaðist af leikarabraut Listaháskóla Íslands fyrir þremur árum. Aldís hefur meðal annars leikið hlutverk Desdemónu í uppsetningu Vesturports á Shakespeareverkinu Óþelló sem sýnt var í Þjóðleikhúsinu 2016. Þeir sem ekki sáu hana í því hlutverki gátu í dag séð hana í sviðsljósinu á Austurvelli þar sem hún gegndi hlutverki holdgervings þjóðarinnar, Fjallkonunnar sjálfrar. Aldís segir í samtali við Vísi að fá að leika hlutverk Fjallkonunnar hafi lengi verið draumur hennar og það væri í raun ótrúlegt að hann hafi ræst. „Þetta er alveg ótrúlegt. Það er mikill heiður að fá að vera brautryðjandi í þessu, að því leyti að vera hálf íslensk og lituð í þokkabót. Ég er svo ánægð með að fá að gegna þessu frábæra hlutverki, Fjallkona Íslands, tákn þjóðarinnar,“ segir Aldís. Það hafi komið henni á óvart að fá kallið. Kall sem hún þurfti að halda leyndu fyrir fjölskyldu og vinum en ekki er tilkynnt um hver Fjallkonan er hverju sinni fyrr en að hún birtist á tröppum Alþingishússins 17. júní.Hlaut skammir frá vinkonuhópnum vegna leyndarinnar „Það var haft samband við mig fyrir um einum og hálfum mánuði síðan,“ segir Aldís og bætir við að þrátt fyrir að Fjallkona þurfi að halda hlutverki sínu algjörlega leyndu hafi hún fengið góðfúslegt leyfi til þess að láta foreldra sína vita hvar þeir ættu að vera í hátíðahöldunum og á hvaða tíma. „Ég er búin að fá fullt af skömmum frá fólki sem skildi ekki að það þurfi að halda þessu leyndu, vinkonuhópurinn var ekki sáttur en þeir sem voru á Austurvelli voru náttúrulega himinlifandi að sjá mig þarna,“ segir Aldís. Líkt og aðrar fjallkonur sem á undan henni hafa komið las Aldís upp ljóð, ort sérstaklega fyrir þetta tilefni. Í ár hlotnaðist tónlistarmanninum Bubba Morthens sá heiður að fá að semja ljóðið og var hann að sögn valinn sérstaklega til þess af forsætisráðherra Katrínu Jakobsdóttur. Ljóðið sem Bubbi samdi og Aldís flutti heitir Landið flokkar ekki fólk. „Ljóðið er magnað og maður sér það núna hvað það er viðeigandi, það snerti við mjög mörgum og mér finnst þetta ljóð alveg dásamlegt,“ segir Aldís. „Ég íhugaði að hafa samband við Bubba í aðdragandanum og ræða ljóðið og sjá hvernig hann vildi að því yrði komið til skila en ég ákvað að hafa trú á mér fyrst ég var valin í þetta hlutverk og þá fannst mér betra að fá pláss til að taka við ljóðinu og túlka það eins og ég vildi gera. Ég held það hafi komist ágætlega til skila,“ segir Aldís Amah.Taugarnar þandar Aldís segir taugarnar hafa verið þandar rétt áður en að augnablikinu kom, „Ég gjörsamlega skalf, Leikhúsið er ólíkt að því leyti að þú ert yfirleitt ekki einn á sviðinu. Hér er orkan líka öll önnur, maður er að fylla upp í hlutverk sem svo margar sterkar og flottar konur hafa leikið á undan mér,“ „Annað en í leikhúsinu er enginn hér sem getur hvíslað að þér, enginn sem getur hjálpað og ekki hægt að fara af sviðinu.“ segir Aldís sem flutti fallegt ljóð Bubba Morthens af krafti og uppskar að því loknu lófaklapp frá þéttsetnum Austurvelli„Allt stressið sem ég fann fyrir síðustu daga meira og minna hvarf eftir fyrstu línur ljóðsins og adrenalínið tók yfir,“ segir Aldís og bætir við að þegar flutningi hennar var lokið og áhorfendur klöppuðu fyrir ávarpi Fjallkonunnar hafi hellst yfir hana mun meiri ró en hún hafði gert ráð fyrir.Aldís í pontu á Austurvelli.Vísir/FÞHVann að herferð fyrir Fjallkonuna þegar henni var boðið hlutverk Fjallkonunnar Eftir að flutningi Aldísar var lokið rétt eins og hátíðahöldunum á Austurvelli hélt Aldís ásamt sínum nánustu á nýjan veitingastað í miðbænum með mjög viðeigandi nafn, Fjallkonuna við Ingólfstorg, þar var skálað áður en að við tók miðbæjarrölt í veðurblíðunni sem heillaði Reykvíkinga í allan dag. „Dagurinn var frábær, besti 17. júní sem ég hef lifað og það verður erfitt að toppa hann,“ segir Aldís. Hún hefur áður verið í eins konar hlutverki Fjallkonunnar, en Aldís var ein þeirra kvenna sem fengin var til þess að taka þátt í auglýsingaherferð áðurnefnds veitingastaðar, Fjallkonunnar. Í þeirri herferð voru teknar myndir af ýmsum konum og þær til að mynda birtar á Instagram síðu veitingastaðarins. Í myndatöku fyrir þá herferð sagði Aldís aðstandendum Fjallkonunnar að það væri draumur hennar að fá að gegna því hlutverki. „Við hlógum bara að því, kannski eftir nokkur ár.“ Hlutverk hennar sem Fjallkonan á þjóðhátíðardaginn setti hins vegar strik í reikninginn hvað varðaði þátttöku Aldísar í auglýsingaherferð veitingastaðarins. Eftir að hún hafði verið valin þurfti hún að draga sig um tíma úr því verkefni en mátti í raun ekki segja aðstandendum ástæðuna fyrir því. „Þetta var virkilega flókið og það er hræðilegt að þurfa að draga sig svona úr verkefni en ég sagði við þær að þær þyrftu að bíða og ég myndi svo gefa grænt ljós á það hvenær mætti birta myndina,“ segir Aldís Amah. Aldís segist þá hafa gefið veitingastaðnum grænt ljós í dag og þegar hún hafi sest þar niður eftir flutning sinn hafi myndin þegar verið komin upp á vegg. Með túlkun sinni á Fjallkonunni í dag skráir Aldís nafn sitt í hóp margra af ástsælustu leikvenna þjóðarinnar, má þar meðal annara nefna, Kristbjörgu Kjeld, 1962 og 1971, Tinnu Gunnlaugsdóttur, 1979, Halldóru Geirharðsdóttur, 1997, Sólveigu Arnarsdóttur, 2007, Selmu Björnsdóttur 2013, og Sigrúnu Eddu Björnsdóttur 2018, að öðrum ólöstuðum en lista yfir allar Fjallkonur frá 1944 má finna hér. Ljóð Bubba Morthens, Landið flokkar ekki fólk, sem Aldís flutti í dag má lesa hér að neðan og einnig horfa á flutning Aldísar.Landið flokkar ekki fólkSjáðu landið okkar allra með mosamjúkan opinn faðminn tekur okkur öllum eins og við erum landið okkar flokkar ekki fólk Sjáðu við stiklum á hálum arfinum kærleikurinn vex upp úr rauðu hafi hjartans Í kvöld er stjörnurnar falla á spegilinn og rökkurmjúk aldan ber þær að landi skal ég tína upp þó ekki væri nema eina til þess að minnast sumarkvölda norður í dumbshafi Við skulum drekka sólargeisla saman að norðan og sáldra yfir hann blágrýtismylsnu úr esjunni og fagna fjölmenningu hér í miðnætursólinni Múrar gera það sem múrar gera loka þig inni rammgerðastir eru þeir sem reistir eru í höfðum manna Rífum þá niður og göngum inn í víðáttu frelsisins og fögnum lífinu Sjáðu sífellt bætast við blóm í garðinn undursamlega fögur hér eru auð rúm sem bíða barna og drauma þeirra Júníbjört nóttin mun þvo af þeim martröðina og dögunin mun leiða þau inn í bjarta framtíð Regnboginn hefur blessað börnin silfurtært er málið í munni þeirra hlustum á orð þeirra því dag einn munum við hin eldri ganga í spor þeirra Ég veit ekki alveg hvað það þýðir að vera Íslendingur nema ég vakna dag hvern með landið mitt á tungunni Það dugar 17. júní Reykjavík Tengdar fréttir Fjallkonan í ár er Aldís Amah Hamilton Hátíðarathöfn á vegum Alþingis og forsætisráðuneytisins hófst á Austurvelli í dag. Fjallkonan flytur ávarp en ávallt hvílir leynd yfir því hver hún er þar til á hátíðarathöfninni. Í ár er fjallkonan Aldís Amah Hamilton. 17. júní 2019 18:00 Fljúgandi Desdemóna Aldís Amah Hamilton er nýútskrifuð leikkona en hún fer með aðalkvenhlutverkið í sýningunni Óþelló. Aldís útskrifaðist í júní síðastliðnum og verður þetta hennar fyrsta hlutverk í leikhúsi. 25. júlí 2016 09:00 Mest lesið Þrjátíu ár fyrir árásina á mann þingforsetans Erlent Heyrði mikla skruðninga í Hítárdal fyrir miðnætti á föstudag Innlent Veiðiþjófar stálu frá barni við Hítarvatn Innlent Dregur saman með efstu frambjóðendum Innlent Helga aðeins 15 mínútur að landa fyrsta laxinum Innlent Ætlar alla leið í baráttu fyrir nafninu sínu Innlent Heimamanna bíður það verkefni að finna nafn á nýja lónið sem er komið til að vera Innlent Hítará hefur fundið sér nýjan farveg Innlent Fresta íbúakosningu í Ölfusi um mölunarverksmiðju Innlent Veiðileyfasali fékk engar bætur dæmdar fyrir þjófnað í Kjarrá Innlent Fleiri fréttir Útgjöld ríkissjóðs vegna Grindavíkur hátt í hundrað milljarðar Diskóstemming í Bíóhöllinni á Akranesi Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Segist kallaður „stríðsæsingarmaður“ vegna fyrirhyggju Sjúklingum Landspítala fjölgaði um 4.500 milli ára Skólastjóradrama í Kóraskóla fær óvæntan endi Bein útsending: Ársfundur Landspítala Mótfallinn sjálfsafgreiðslu á Bessastöðum Boða til blaðamannafundar vegna Grindavíkur Fordæma brottvísun mansalsþolenda og vilja nýja stefnu Slökktu eld á Seltjarnarnesi Mögulegt umboðsleysi stjórnar Aðventista gæti skipt Ölfyssinga máli Fara fram á farbann Sjómenn í haldi og ÁTVR í bobba Bréf First Water veldur ringulreið í bæjarstjórn Ölfuss Konráð nýr efnahagsráðgjafi ríkisstjórnarinnar Umhverfis- og loftslagsmálin „Icesave okkar tíma“ Boða sérstakan bæjarstjórnarfund vegna bréfs Eggerts Skipstjórinn og stýrimaðurinn fluttir til Reykjanesbæjar Sjá meira
Aldís Amah Hamilton er 28 ára leikkona sem útskrifaðist af leikarabraut Listaháskóla Íslands fyrir þremur árum. Aldís hefur meðal annars leikið hlutverk Desdemónu í uppsetningu Vesturports á Shakespeareverkinu Óþelló sem sýnt var í Þjóðleikhúsinu 2016. Þeir sem ekki sáu hana í því hlutverki gátu í dag séð hana í sviðsljósinu á Austurvelli þar sem hún gegndi hlutverki holdgervings þjóðarinnar, Fjallkonunnar sjálfrar. Aldís segir í samtali við Vísi að fá að leika hlutverk Fjallkonunnar hafi lengi verið draumur hennar og það væri í raun ótrúlegt að hann hafi ræst. „Þetta er alveg ótrúlegt. Það er mikill heiður að fá að vera brautryðjandi í þessu, að því leyti að vera hálf íslensk og lituð í þokkabót. Ég er svo ánægð með að fá að gegna þessu frábæra hlutverki, Fjallkona Íslands, tákn þjóðarinnar,“ segir Aldís. Það hafi komið henni á óvart að fá kallið. Kall sem hún þurfti að halda leyndu fyrir fjölskyldu og vinum en ekki er tilkynnt um hver Fjallkonan er hverju sinni fyrr en að hún birtist á tröppum Alþingishússins 17. júní.Hlaut skammir frá vinkonuhópnum vegna leyndarinnar „Það var haft samband við mig fyrir um einum og hálfum mánuði síðan,“ segir Aldís og bætir við að þrátt fyrir að Fjallkona þurfi að halda hlutverki sínu algjörlega leyndu hafi hún fengið góðfúslegt leyfi til þess að láta foreldra sína vita hvar þeir ættu að vera í hátíðahöldunum og á hvaða tíma. „Ég er búin að fá fullt af skömmum frá fólki sem skildi ekki að það þurfi að halda þessu leyndu, vinkonuhópurinn var ekki sáttur en þeir sem voru á Austurvelli voru náttúrulega himinlifandi að sjá mig þarna,“ segir Aldís. Líkt og aðrar fjallkonur sem á undan henni hafa komið las Aldís upp ljóð, ort sérstaklega fyrir þetta tilefni. Í ár hlotnaðist tónlistarmanninum Bubba Morthens sá heiður að fá að semja ljóðið og var hann að sögn valinn sérstaklega til þess af forsætisráðherra Katrínu Jakobsdóttur. Ljóðið sem Bubbi samdi og Aldís flutti heitir Landið flokkar ekki fólk. „Ljóðið er magnað og maður sér það núna hvað það er viðeigandi, það snerti við mjög mörgum og mér finnst þetta ljóð alveg dásamlegt,“ segir Aldís. „Ég íhugaði að hafa samband við Bubba í aðdragandanum og ræða ljóðið og sjá hvernig hann vildi að því yrði komið til skila en ég ákvað að hafa trú á mér fyrst ég var valin í þetta hlutverk og þá fannst mér betra að fá pláss til að taka við ljóðinu og túlka það eins og ég vildi gera. Ég held það hafi komist ágætlega til skila,“ segir Aldís Amah.Taugarnar þandar Aldís segir taugarnar hafa verið þandar rétt áður en að augnablikinu kom, „Ég gjörsamlega skalf, Leikhúsið er ólíkt að því leyti að þú ert yfirleitt ekki einn á sviðinu. Hér er orkan líka öll önnur, maður er að fylla upp í hlutverk sem svo margar sterkar og flottar konur hafa leikið á undan mér,“ „Annað en í leikhúsinu er enginn hér sem getur hvíslað að þér, enginn sem getur hjálpað og ekki hægt að fara af sviðinu.“ segir Aldís sem flutti fallegt ljóð Bubba Morthens af krafti og uppskar að því loknu lófaklapp frá þéttsetnum Austurvelli„Allt stressið sem ég fann fyrir síðustu daga meira og minna hvarf eftir fyrstu línur ljóðsins og adrenalínið tók yfir,“ segir Aldís og bætir við að þegar flutningi hennar var lokið og áhorfendur klöppuðu fyrir ávarpi Fjallkonunnar hafi hellst yfir hana mun meiri ró en hún hafði gert ráð fyrir.Aldís í pontu á Austurvelli.Vísir/FÞHVann að herferð fyrir Fjallkonuna þegar henni var boðið hlutverk Fjallkonunnar Eftir að flutningi Aldísar var lokið rétt eins og hátíðahöldunum á Austurvelli hélt Aldís ásamt sínum nánustu á nýjan veitingastað í miðbænum með mjög viðeigandi nafn, Fjallkonuna við Ingólfstorg, þar var skálað áður en að við tók miðbæjarrölt í veðurblíðunni sem heillaði Reykvíkinga í allan dag. „Dagurinn var frábær, besti 17. júní sem ég hef lifað og það verður erfitt að toppa hann,“ segir Aldís. Hún hefur áður verið í eins konar hlutverki Fjallkonunnar, en Aldís var ein þeirra kvenna sem fengin var til þess að taka þátt í auglýsingaherferð áðurnefnds veitingastaðar, Fjallkonunnar. Í þeirri herferð voru teknar myndir af ýmsum konum og þær til að mynda birtar á Instagram síðu veitingastaðarins. Í myndatöku fyrir þá herferð sagði Aldís aðstandendum Fjallkonunnar að það væri draumur hennar að fá að gegna því hlutverki. „Við hlógum bara að því, kannski eftir nokkur ár.“ Hlutverk hennar sem Fjallkonan á þjóðhátíðardaginn setti hins vegar strik í reikninginn hvað varðaði þátttöku Aldísar í auglýsingaherferð veitingastaðarins. Eftir að hún hafði verið valin þurfti hún að draga sig um tíma úr því verkefni en mátti í raun ekki segja aðstandendum ástæðuna fyrir því. „Þetta var virkilega flókið og það er hræðilegt að þurfa að draga sig svona úr verkefni en ég sagði við þær að þær þyrftu að bíða og ég myndi svo gefa grænt ljós á það hvenær mætti birta myndina,“ segir Aldís Amah. Aldís segist þá hafa gefið veitingastaðnum grænt ljós í dag og þegar hún hafi sest þar niður eftir flutning sinn hafi myndin þegar verið komin upp á vegg. Með túlkun sinni á Fjallkonunni í dag skráir Aldís nafn sitt í hóp margra af ástsælustu leikvenna þjóðarinnar, má þar meðal annara nefna, Kristbjörgu Kjeld, 1962 og 1971, Tinnu Gunnlaugsdóttur, 1979, Halldóru Geirharðsdóttur, 1997, Sólveigu Arnarsdóttur, 2007, Selmu Björnsdóttur 2013, og Sigrúnu Eddu Björnsdóttur 2018, að öðrum ólöstuðum en lista yfir allar Fjallkonur frá 1944 má finna hér. Ljóð Bubba Morthens, Landið flokkar ekki fólk, sem Aldís flutti í dag má lesa hér að neðan og einnig horfa á flutning Aldísar.Landið flokkar ekki fólkSjáðu landið okkar allra með mosamjúkan opinn faðminn tekur okkur öllum eins og við erum landið okkar flokkar ekki fólk Sjáðu við stiklum á hálum arfinum kærleikurinn vex upp úr rauðu hafi hjartans Í kvöld er stjörnurnar falla á spegilinn og rökkurmjúk aldan ber þær að landi skal ég tína upp þó ekki væri nema eina til þess að minnast sumarkvölda norður í dumbshafi Við skulum drekka sólargeisla saman að norðan og sáldra yfir hann blágrýtismylsnu úr esjunni og fagna fjölmenningu hér í miðnætursólinni Múrar gera það sem múrar gera loka þig inni rammgerðastir eru þeir sem reistir eru í höfðum manna Rífum þá niður og göngum inn í víðáttu frelsisins og fögnum lífinu Sjáðu sífellt bætast við blóm í garðinn undursamlega fögur hér eru auð rúm sem bíða barna og drauma þeirra Júníbjört nóttin mun þvo af þeim martröðina og dögunin mun leiða þau inn í bjarta framtíð Regnboginn hefur blessað börnin silfurtært er málið í munni þeirra hlustum á orð þeirra því dag einn munum við hin eldri ganga í spor þeirra Ég veit ekki alveg hvað það þýðir að vera Íslendingur nema ég vakna dag hvern með landið mitt á tungunni Það dugar
17. júní Reykjavík Tengdar fréttir Fjallkonan í ár er Aldís Amah Hamilton Hátíðarathöfn á vegum Alþingis og forsætisráðuneytisins hófst á Austurvelli í dag. Fjallkonan flytur ávarp en ávallt hvílir leynd yfir því hver hún er þar til á hátíðarathöfninni. Í ár er fjallkonan Aldís Amah Hamilton. 17. júní 2019 18:00 Fljúgandi Desdemóna Aldís Amah Hamilton er nýútskrifuð leikkona en hún fer með aðalkvenhlutverkið í sýningunni Óþelló. Aldís útskrifaðist í júní síðastliðnum og verður þetta hennar fyrsta hlutverk í leikhúsi. 25. júlí 2016 09:00 Mest lesið Þrjátíu ár fyrir árásina á mann þingforsetans Erlent Heyrði mikla skruðninga í Hítárdal fyrir miðnætti á föstudag Innlent Veiðiþjófar stálu frá barni við Hítarvatn Innlent Dregur saman með efstu frambjóðendum Innlent Helga aðeins 15 mínútur að landa fyrsta laxinum Innlent Ætlar alla leið í baráttu fyrir nafninu sínu Innlent Heimamanna bíður það verkefni að finna nafn á nýja lónið sem er komið til að vera Innlent Hítará hefur fundið sér nýjan farveg Innlent Fresta íbúakosningu í Ölfusi um mölunarverksmiðju Innlent Veiðileyfasali fékk engar bætur dæmdar fyrir þjófnað í Kjarrá Innlent Fleiri fréttir Útgjöld ríkissjóðs vegna Grindavíkur hátt í hundrað milljarðar Diskóstemming í Bíóhöllinni á Akranesi Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Segist kallaður „stríðsæsingarmaður“ vegna fyrirhyggju Sjúklingum Landspítala fjölgaði um 4.500 milli ára Skólastjóradrama í Kóraskóla fær óvæntan endi Bein útsending: Ársfundur Landspítala Mótfallinn sjálfsafgreiðslu á Bessastöðum Boða til blaðamannafundar vegna Grindavíkur Fordæma brottvísun mansalsþolenda og vilja nýja stefnu Slökktu eld á Seltjarnarnesi Mögulegt umboðsleysi stjórnar Aðventista gæti skipt Ölfyssinga máli Fara fram á farbann Sjómenn í haldi og ÁTVR í bobba Bréf First Water veldur ringulreið í bæjarstjórn Ölfuss Konráð nýr efnahagsráðgjafi ríkisstjórnarinnar Umhverfis- og loftslagsmálin „Icesave okkar tíma“ Boða sérstakan bæjarstjórnarfund vegna bréfs Eggerts Skipstjórinn og stýrimaðurinn fluttir til Reykjanesbæjar Sjá meira
Fjallkonan í ár er Aldís Amah Hamilton Hátíðarathöfn á vegum Alþingis og forsætisráðuneytisins hófst á Austurvelli í dag. Fjallkonan flytur ávarp en ávallt hvílir leynd yfir því hver hún er þar til á hátíðarathöfninni. Í ár er fjallkonan Aldís Amah Hamilton. 17. júní 2019 18:00
Fljúgandi Desdemóna Aldís Amah Hamilton er nýútskrifuð leikkona en hún fer með aðalkvenhlutverkið í sýningunni Óþelló. Aldís útskrifaðist í júní síðastliðnum og verður þetta hennar fyrsta hlutverk í leikhúsi. 25. júlí 2016 09:00