Modric og Ronaldo ekki inn á topp fimm hjá Messi

Lionel Messi setti hvorki sitt eigið nafn né nafn Cristiano Ronaldo niður á blað þegar hann var beðinn um að nefna fimm bestu leikmenn heims.

Spænska blaðið Marca hefur það eftir útvarpsviðali á Spáni að Messi hafi valið þá Kylian Mbappe, Neymar, Eden Hazard, Luis Suarez og Sergio Aguero besta.

„Það var mjög gott að hafa Ronaldo í spænsku deildinni fyrir gæðastimpilinn sem það hafði í för með sér,“ sagði Messi.

„Fyrir utan hann og mig, þá eru bestu leikmenn heims Mbappe, Hazard, Suarez, Aguero og Neymar.“

Luka Modric fékk Ballon d'Or verðlaunin sem besti leikmaður heims í lok síðasta árs en hann kemst ekki á listann hjá Messi.