Níu íslensk ungmenni keppa á Ólympíuleikum ungmenna

Ólympíuleikar ungmenna voru settir í gærkvöldi í Buenos Aires í Argentínu. Níu íslensk ungmenni taka þátt á leikunum.



Fánaberi fyrir hönd íslenska hópsins var Guðbjörg Jóna Bjarnadóttir keppandi í frjálsíþróttum. Forseti Íþrótta- og Ólympíusambands Íslands Lárus L. Blöndal og Líney Rut Halldórsdóttir framkvæmdastjóri voru gestir við athöfnina.



Lokahátíð leikanna fer fram kvöldið 18. október. Ólympíuleikar ungmenna eru ætlaðir fyrir ungt íþróttafólk á aldrinum 15 til 18 ára. Á leikunum er keppt í 32 íþróttagreinum, bæði hefðbundnum sem og nýstárlegri greinum. Í fyrsta sinn á Ólympískum viðburði eru jafn margir kvenkyns og karlkyns keppendur.



Eftirtaldir keppendur og flokksstjórar/þjálfarar taka þátt í leikunum fyrir hönd síns sérsambands.



Fimleikar

Martin Bjarni Guðmundsson keppandi – fjölþraut drengja

Róbert Kristmannsson flokksstjóri/þjálfari



Frjálsíþróttir

Elísabet Rut Rúnarsdóttir keppandi – sleggjukast

Guðbjörg Jóna Bjarnadóttir keppandi – 200m. hlaup

Valdimar Hjalti Erlendsson keppandi – kringlukast

Brynjar Gunnarsson flokksstjóri/þjálfari



Golf

Hulda Clara Gestsdóttir keppandi – einstaklings og parakeppni

Ingvar Andri Magnússon keppandi – einstaklings og parakeppni

Jussi Pitkanen flokksstjóri/þjálfari



Sund

Brynjólfur Óli Karlsson keppandi – 50 og 200m. baksund

Karen Mist Arngeirsdóttir keppandi – 100m. bringusund

Snæfríður Sól Jórunnardóttir keppandi – 50, 100 og 200m. skriðsund

Arna Þórey Sveinbjörnsdóttir flokksstjóri/þjálfari



Aðalfararstjóri á leikunum fyrir hönd Íþrótta- og Ólympíusambands Íslands er Örvar Ólafsson.



Ingibjörg Kristín Jónsdóttir tekur þátt í leikunum fyrir hönd Íslands sem ungur áhrifavaldur (Young Changemaker) en um er að ræða verkefni á vegum Alþjóðaólympíunefndarinnar sem felur í sér að halda utan um fjölbreytta fræðslu og afþreyingu fyrir keppendur á leikunum. Ingibjörg Kristín keppti sjálf á Ólympíuleikum ungmenna í Singapore árið 2010 og hefur mikla reynslu af þátttöku í stórmótum í gegnum árin en hún hefur átt langan og farsælan feril sem afreksíþróttakona í sundi.