Yngsti þingmaður Íslandssögunnar brotnaði í bardaga í Taílandi Birgir Olgeirsson skrifar 16. janúar 2018 21:29 Bjarni Halldór Janusson beinbrotnaði í bardaga í Taílandi fyrir jól. Vísir/Ernir/Instagram Bjarni Halldór Janusson, fyrrverandi varaþingmaður Viðreisnar, beinbrotnaði í Muay Thai-bardaga í Taílandi fyrir jól. Þegar Vísir heyrði í Bjarna fyrr í dag var hann staddur upp á slysadeild Landspítalans þar sem hann hafði farið í röntgenmyndatöku sem leiddi í ljós að hann væri handleggsbrotinn.Myndbönd af bardaganum má sjá neðst í greininni. Bjarni rataði í fréttirnar í fyrra þegar hann varð yngsti þingmaður sögunnar þegar hann tók sæti á Alþingi aðeins 21 árs og 141 daga gamall, en hann er fæddur 4. desember á því herrans ári 1995. Hann hafði farið upp á slysadeild fljótlega eftir komuna til landsins eftir áramót, en þá töldu læknar hann vera illa bólginn. Tólf dagar liðu og ekkert skánaði handleggurinn og fór hann því í myndatöku fyrr í dag sem leiddi beinbrotið í ljós. Bjarni, sem stundar nám í stjórnmálafræði og heimspeki við Háskóla Íslands, ákvað síðastliðið haust að skella sér til Taílands eftir lokaprófin. Þar hitti hann fyrir vini sína sem eru í reisu um heiminn. „Strax eftir lokaprófið fór ég upp á flugvöll og hafði fartölvuna mína með til að geta unnið í ritgerðinni minni,“ segir Bjarni.Bjarni er sá sem er í bleiku stuttbuxunum á þessari mynd.Instagram/Bjarni Halldór JanussonHeimaland íþróttarinnar Bein þýðing á Muay Thai yfir íslensku er taílenskir sparkhnefaleikar en þessari bardagaaðferð hefur verið lýst sem bardagalist átta útlima vegna þess að í henni eru notaðar hendur, sköflungar, olnbogar og hné. Bjarni hafði æft Muay Thai þegar hann var yngri en á ferð hans um Taíland fór hann til eyjunnar Phi Phi þar sem hann sótti bardagaklúbb þar sem hann sá fyrir sér að reyna sig í hringnum. „Þetta er heimaland íþróttarinnar og ég vildi prófa þetta þarna,“ segir Bjarni. Þegar hann var kominn í bardagaklúbbinn leið ekki á löngu þar til hann hitti fyrir ungan mann sem sá að Bjarni kunni eitthvað fyrir sér í íþróttinni og bauð honum í hringinn.Fékk þungt spark Um var að ræða þriggja lotu bardaga, en hver lota var þó ekki fimm mínútur líkt og í alvöru Muay Thai-bardaga, þar sem Bjarni hafði yfirhöndina í fyrstu tveimur lotunum. Í annarri lotunni fékk hann þó þungt spark í handlegginn frá mótherja sínum og þurfti því að forðast spörkin frá honum í þriðju lotunni. Fór svo að þeir voru taldir jafnir að stigum þegar þriðju lotunni lauk og jafntefli því niðurstaðan. Bjarni segir Muay Thai vera fínustu líkamsrækt sem grundvallast af virðingu fyrir mótherja sínum. Sú var raunin eftir bardaga hans út í Taílandi þar sem hann og mótherjinn urðu mestu mátar eftir að hafa slegist í hringnum og fengu sér drykk saman að loknum bardaga. „Þetta snýst ekki um einhverja sýndarmennsku eða að fá útrás fyrir ofbeldishneigð. Fyrir mér er þetta góð líkamsrækt, ég er hrifinn af menningunni í kringum íþróttina og þegar í hringinn er kominn snýst þetta um að sýna mótherja sínum virðingu,“ segir Bjarni Halldór.Hér fallast Bjarni og mótherji hans í faðma eftir bardagann en þeir fengu sér drykk saman skömmu síðar.Instagram/Bjarni Halldór JanussonTýndi kreditkortinu Eins og fyrr segir slasaðist Bjarni og var með þó nokkra verki í framhandleggnum en skömmu fyrir bardagann hafði hann týnt kreditkorti sínu í Taílandi. Hann stóð því uppi peningalaus fyrir heimferðina og átti því hvorki fyrir mat né verkjalyfjum. Fram undan var eins og hálfs sólarhrings ferðalag heim til Íslands. Í fluginu frá Taílandi kynntist hann bandarískum ferðamönnum sem gáfu honum verkjalyf til að lina mesta sársaukann. „Þetta var bara hluti af ævintýrinu,“ segir Bjarni.Bjarni setti pólitíkina á hilluna í bili síðastliðið haust til að einbeita sér að náminu.Vísir/ErnirPólitíkin vék fyrir náminu Bjarni var ekki á lista Viðreisnar í kosningum til Alþingis síðastliðið haust en hann segist hafa tekið þá ákvörðun að einbeita sér frekar að náminu og standa sig vel þar. „Ég er ungur að árum og á eftir að læra svolítið. Svo er bara spurning hvað gerist í framtíðinni,“ segir Bjarni að lokum.Hér fyrir neðan má sjá myndbönd af bardaganum en það er hægt með því að smella á örvararnar í glugganum sem fletta á milli mynda og myndbanda sem Bjarni birti á Instagram. Það var fínt að fá smá útrás og svitna kvöldið fyrir flug. Verra að hægri upphandleggur hafi mögulega brotnað eða tognað í annarri lotu. Mæli ekki með að ferðast milli heimsálfa með þannig áverka.. En jæja, bardaginn fór þó alla vega vel, þrátt fyrir að berjast slasaður í lokin. Er núna á slysa- og bráðamóttöku og vona að þetta sé nú ekki of slæmt. Hér eru myndir í upphafi og myndbönd í lokin fyrir áhugasama A post shared by Bjarni Janusson (@bjarnihalldor) on Jan 6, 2018 at 9:23am PST Tengdar fréttir Yngsti þingmaður sögunnar tekur sæti á Alþingi Bjarni Halldór Janusson, varaþingmaður Viðreisnar, mun í dag taka sæti á Alþingi. fyrir Þorgerði Katrínu Gunnarsdóttur, sjávarútvegs-og landbúnaðarráðherra og verður Bjarni þar með yngsti þingmaður sögunnar til að setjast á þing en Alþingi kemur saman eftir páskahlé klukkan 15 í dag. 24. apríl 2017 14:49 Mest lesið Hugsar oft til fyrstu ástarinnar vegna ástandsins í Íran Lífið Gallstasi á meðgöngu: „Ég grátbað um að ég yrði sett af stað“ Áskorun Þórdís Lóa um Júró-umfjöllun: „Hvers vegna þessi þögn?“ Lífið Fjölmennt í framboðsteiti Arnars Þórs í Iðnó Lífið „Það er einmanalegt að missa móður“ Lífið Ætlar hvorki að hætta að vinna né opna kaffihús Lífið „Spurði hversu mörgum stelpum hann væri búin að senda þessa línu“ Makamál Strangheiðarleg dreifbýlistútta og lopapeysan í uppáhaldi Tíska og hönnun Trúlofuðust á gjörgæslunni eftir bílslys á Íslandi Lífið Hvetur fólk til að nota sólarvörn eftir krabbameinsgreiningu Lífið Fleiri fréttir Brynja og Þórhallur kveðja Nýlendugötuna „Það var alltaf draumur hjá honum að heimsækja Ísland aftur“ 23 hvolpar á heimili í Þorlákshöfn Fjölmennt í framboðsteiti Arnars Þórs í Iðnó Þórdís Lóa um Júró-umfjöllun: „Hvers vegna þessi þögn?“ Vandamálaráðuneytið únefndi hinn fimmtán ára Viðar til sigurs Hugsar oft til fyrstu ástarinnar vegna ástandsins í Íran Krakkatían: Celebs, sumar og forseti Íslands Sveitarstjóri og sauðfjárbóndi fóru á kostum Hvetur fólk til að nota sólarvörn eftir krabbameinsgreiningu Metmæting á tískusýningu útskriftarnema LHÍ Mynd ársins af palestínskum flóttamanni Ætlar hvorki að hætta að vinna né opna kaffihús Milljónir hafa horft á stikluna fyrir Snertingu Karl konungur snýr aftur úr veikindaleyfi Fréttatía vikunnar: Þyrlur, forsetaframbjóðendur og skemmdarverk „Það er einmanalegt að missa móður“ Trúlofuðust á gjörgæslunni eftir bílslys á Íslandi Ellý snýr aftur vegna fjölda áskorana Ætlað að auka umræðu og sýnileika leiðsöguhunda Nýtt upphaf Margrétar: „Búin að heita þessu nafni í rúma viku“ Borgarstjóri og frú tóku veislustjórnina að sér Fágæt og falleg eign við Flókagötu Aron passaði varla inn í bílinn Nefnd í höfuðið á tveimur mikilvægum konum í lífi þeirra Grínari selur íbúð í Vesturbænum Sophia Bush kemur út úr skápnum „Hann var langt á undan sinni samtíð“ Will Smith hrifinn af akureyrsku hjartaljósunum Ebba Katrín valin bæjarlistamaður Hafnarfjarðar Sjá meira
Bjarni Halldór Janusson, fyrrverandi varaþingmaður Viðreisnar, beinbrotnaði í Muay Thai-bardaga í Taílandi fyrir jól. Þegar Vísir heyrði í Bjarna fyrr í dag var hann staddur upp á slysadeild Landspítalans þar sem hann hafði farið í röntgenmyndatöku sem leiddi í ljós að hann væri handleggsbrotinn.Myndbönd af bardaganum má sjá neðst í greininni. Bjarni rataði í fréttirnar í fyrra þegar hann varð yngsti þingmaður sögunnar þegar hann tók sæti á Alþingi aðeins 21 árs og 141 daga gamall, en hann er fæddur 4. desember á því herrans ári 1995. Hann hafði farið upp á slysadeild fljótlega eftir komuna til landsins eftir áramót, en þá töldu læknar hann vera illa bólginn. Tólf dagar liðu og ekkert skánaði handleggurinn og fór hann því í myndatöku fyrr í dag sem leiddi beinbrotið í ljós. Bjarni, sem stundar nám í stjórnmálafræði og heimspeki við Háskóla Íslands, ákvað síðastliðið haust að skella sér til Taílands eftir lokaprófin. Þar hitti hann fyrir vini sína sem eru í reisu um heiminn. „Strax eftir lokaprófið fór ég upp á flugvöll og hafði fartölvuna mína með til að geta unnið í ritgerðinni minni,“ segir Bjarni.Bjarni er sá sem er í bleiku stuttbuxunum á þessari mynd.Instagram/Bjarni Halldór JanussonHeimaland íþróttarinnar Bein þýðing á Muay Thai yfir íslensku er taílenskir sparkhnefaleikar en þessari bardagaaðferð hefur verið lýst sem bardagalist átta útlima vegna þess að í henni eru notaðar hendur, sköflungar, olnbogar og hné. Bjarni hafði æft Muay Thai þegar hann var yngri en á ferð hans um Taíland fór hann til eyjunnar Phi Phi þar sem hann sótti bardagaklúbb þar sem hann sá fyrir sér að reyna sig í hringnum. „Þetta er heimaland íþróttarinnar og ég vildi prófa þetta þarna,“ segir Bjarni. Þegar hann var kominn í bardagaklúbbinn leið ekki á löngu þar til hann hitti fyrir ungan mann sem sá að Bjarni kunni eitthvað fyrir sér í íþróttinni og bauð honum í hringinn.Fékk þungt spark Um var að ræða þriggja lotu bardaga, en hver lota var þó ekki fimm mínútur líkt og í alvöru Muay Thai-bardaga, þar sem Bjarni hafði yfirhöndina í fyrstu tveimur lotunum. Í annarri lotunni fékk hann þó þungt spark í handlegginn frá mótherja sínum og þurfti því að forðast spörkin frá honum í þriðju lotunni. Fór svo að þeir voru taldir jafnir að stigum þegar þriðju lotunni lauk og jafntefli því niðurstaðan. Bjarni segir Muay Thai vera fínustu líkamsrækt sem grundvallast af virðingu fyrir mótherja sínum. Sú var raunin eftir bardaga hans út í Taílandi þar sem hann og mótherjinn urðu mestu mátar eftir að hafa slegist í hringnum og fengu sér drykk saman að loknum bardaga. „Þetta snýst ekki um einhverja sýndarmennsku eða að fá útrás fyrir ofbeldishneigð. Fyrir mér er þetta góð líkamsrækt, ég er hrifinn af menningunni í kringum íþróttina og þegar í hringinn er kominn snýst þetta um að sýna mótherja sínum virðingu,“ segir Bjarni Halldór.Hér fallast Bjarni og mótherji hans í faðma eftir bardagann en þeir fengu sér drykk saman skömmu síðar.Instagram/Bjarni Halldór JanussonTýndi kreditkortinu Eins og fyrr segir slasaðist Bjarni og var með þó nokkra verki í framhandleggnum en skömmu fyrir bardagann hafði hann týnt kreditkorti sínu í Taílandi. Hann stóð því uppi peningalaus fyrir heimferðina og átti því hvorki fyrir mat né verkjalyfjum. Fram undan var eins og hálfs sólarhrings ferðalag heim til Íslands. Í fluginu frá Taílandi kynntist hann bandarískum ferðamönnum sem gáfu honum verkjalyf til að lina mesta sársaukann. „Þetta var bara hluti af ævintýrinu,“ segir Bjarni.Bjarni setti pólitíkina á hilluna í bili síðastliðið haust til að einbeita sér að náminu.Vísir/ErnirPólitíkin vék fyrir náminu Bjarni var ekki á lista Viðreisnar í kosningum til Alþingis síðastliðið haust en hann segist hafa tekið þá ákvörðun að einbeita sér frekar að náminu og standa sig vel þar. „Ég er ungur að árum og á eftir að læra svolítið. Svo er bara spurning hvað gerist í framtíðinni,“ segir Bjarni að lokum.Hér fyrir neðan má sjá myndbönd af bardaganum en það er hægt með því að smella á örvararnar í glugganum sem fletta á milli mynda og myndbanda sem Bjarni birti á Instagram. Það var fínt að fá smá útrás og svitna kvöldið fyrir flug. Verra að hægri upphandleggur hafi mögulega brotnað eða tognað í annarri lotu. Mæli ekki með að ferðast milli heimsálfa með þannig áverka.. En jæja, bardaginn fór þó alla vega vel, þrátt fyrir að berjast slasaður í lokin. Er núna á slysa- og bráðamóttöku og vona að þetta sé nú ekki of slæmt. Hér eru myndir í upphafi og myndbönd í lokin fyrir áhugasama A post shared by Bjarni Janusson (@bjarnihalldor) on Jan 6, 2018 at 9:23am PST
Tengdar fréttir Yngsti þingmaður sögunnar tekur sæti á Alþingi Bjarni Halldór Janusson, varaþingmaður Viðreisnar, mun í dag taka sæti á Alþingi. fyrir Þorgerði Katrínu Gunnarsdóttur, sjávarútvegs-og landbúnaðarráðherra og verður Bjarni þar með yngsti þingmaður sögunnar til að setjast á þing en Alþingi kemur saman eftir páskahlé klukkan 15 í dag. 24. apríl 2017 14:49 Mest lesið Hugsar oft til fyrstu ástarinnar vegna ástandsins í Íran Lífið Gallstasi á meðgöngu: „Ég grátbað um að ég yrði sett af stað“ Áskorun Þórdís Lóa um Júró-umfjöllun: „Hvers vegna þessi þögn?“ Lífið Fjölmennt í framboðsteiti Arnars Þórs í Iðnó Lífið „Það er einmanalegt að missa móður“ Lífið Ætlar hvorki að hætta að vinna né opna kaffihús Lífið „Spurði hversu mörgum stelpum hann væri búin að senda þessa línu“ Makamál Strangheiðarleg dreifbýlistútta og lopapeysan í uppáhaldi Tíska og hönnun Trúlofuðust á gjörgæslunni eftir bílslys á Íslandi Lífið Hvetur fólk til að nota sólarvörn eftir krabbameinsgreiningu Lífið Fleiri fréttir Brynja og Þórhallur kveðja Nýlendugötuna „Það var alltaf draumur hjá honum að heimsækja Ísland aftur“ 23 hvolpar á heimili í Þorlákshöfn Fjölmennt í framboðsteiti Arnars Þórs í Iðnó Þórdís Lóa um Júró-umfjöllun: „Hvers vegna þessi þögn?“ Vandamálaráðuneytið únefndi hinn fimmtán ára Viðar til sigurs Hugsar oft til fyrstu ástarinnar vegna ástandsins í Íran Krakkatían: Celebs, sumar og forseti Íslands Sveitarstjóri og sauðfjárbóndi fóru á kostum Hvetur fólk til að nota sólarvörn eftir krabbameinsgreiningu Metmæting á tískusýningu útskriftarnema LHÍ Mynd ársins af palestínskum flóttamanni Ætlar hvorki að hætta að vinna né opna kaffihús Milljónir hafa horft á stikluna fyrir Snertingu Karl konungur snýr aftur úr veikindaleyfi Fréttatía vikunnar: Þyrlur, forsetaframbjóðendur og skemmdarverk „Það er einmanalegt að missa móður“ Trúlofuðust á gjörgæslunni eftir bílslys á Íslandi Ellý snýr aftur vegna fjölda áskorana Ætlað að auka umræðu og sýnileika leiðsöguhunda Nýtt upphaf Margrétar: „Búin að heita þessu nafni í rúma viku“ Borgarstjóri og frú tóku veislustjórnina að sér Fágæt og falleg eign við Flókagötu Aron passaði varla inn í bílinn Nefnd í höfuðið á tveimur mikilvægum konum í lífi þeirra Grínari selur íbúð í Vesturbænum Sophia Bush kemur út úr skápnum „Hann var langt á undan sinni samtíð“ Will Smith hrifinn af akureyrsku hjartaljósunum Ebba Katrín valin bæjarlistamaður Hafnarfjarðar Sjá meira
Yngsti þingmaður sögunnar tekur sæti á Alþingi Bjarni Halldór Janusson, varaþingmaður Viðreisnar, mun í dag taka sæti á Alþingi. fyrir Þorgerði Katrínu Gunnarsdóttur, sjávarútvegs-og landbúnaðarráðherra og verður Bjarni þar með yngsti þingmaður sögunnar til að setjast á þing en Alþingi kemur saman eftir páskahlé klukkan 15 í dag. 24. apríl 2017 14:49