ÍBV hefur veg og vanda af mótinu sem er haldið gangandi af fjölda félagsmanna sem sinna sjálfboðastarfi fyrir sitt félag eins og þekkist svosem víðar.
Einn þeirra er enginn annar en Heimir Hallgrímsson, landsliðsþjálfari Íslands en hann er nýkominn til landsins frá Rússlandi þar sem hann stýrði Íslandi í sinni fyrstu Heimsmeistarakeppni.
Hann var nefnilega mættur á dómaravaktina klukkan 08:20 í morgun og dæmdi meðal annars leik Breiðabliks og FH eins og sjá má á færslu sem Gunnar Birgisson, íþróttafréttamaður á RÚV, birtir á Twitter reikningi sínum.
Fékk frí í gær en í dag er engin miskunn. Leikur 08.20 og flautan í góðum höndum.#Orkumót pic.twitter.com/WuJRwbJPNe
— Gunnar Birgisson (@grjotze) June 29, 2018