Ísland mætir Eistlandi í stað Kúveit

Það hefur orðið breyting á landsliðsverkefni A-landsliðs karla í fótbolta í janúar, í stað þess að spila við Kúveit mun liðið mæta Eistum.

Íslenska landsliðið fer venju samkvæmt í æfingaferð í janúar þar sem leiknir verða tveir vináttulandsleikir. Þessi ferð er ekki á alþjóðlegum landsliðsglugga og því margir leikmenn sem fá að sýna sig fyrir landsliðsþjálfaranum sem annars hefðu kannski ekki fengið tækifærið.

Í ár fer liðið til Katar og var á dagskránni að mæta Svíum og Kúveit en nú hefur það breyst og verður spilað við Svía og Eista.

Leikurinn við Svíþjóð er 11. janúar og við Eista þann 15. janúar.

Í gær var hópurinn sem fer í þetta verkefni tilkynntur en þar er að finna sjö leikmenn úr Pepsideildinni og fimm þeirra hafa ekki leikið landsleik fyrir Ísland.